आयपीएल २०२१चे उर्वरित सामने युएईत

 

 

मुंबई : शनिवारी बीसीसीआयची ऑनलाइन बैठक पार पडली. यामध्ये कोरोनामुळे स्थगित झालेले उर्वरित आयपीएल २०२१चे सामने आता सप्टेंबर ते ऑक्टोबर दरम्यान संयुक्त अरब अमरीती (युएई)मध्ये घेणार असल्याचे यावेळी बीसीसीआय जाहीर केले. विशेष म्हणजे कोरोनाकाळात आयपीएल २०२०ची स्पर्धा ही युएईमध्येच यशस्वीरित्या पार पडली होती. तसेच, पुढेही कोरोनाचे सर्व निर्बध पळून हे सामने होणार असल्याचेदेखील बीसीसीआयने स्पष्ट केले आहे. बीसीसीआयचे अध्यक्ष सौरव गांगुलीच्या नेतृत्वाखाली झालेल्या ऑनलाइन बैठकीत हे निर्णय घेण्यात आलेले आहेत.

 

 

 

बीसीसीआयने दिलेल्या माहितीनुसार, देशात होणाऱ्या आयपीएल २०२१च्या बायो बबलमध्ये अनेक खेळाडू आणि सदस्यांना कोरोनाची लागण झाली होती. यामुळे ४ मे रोजी सर्व उर्वरित सामने हे स्थगित करण्यात आले होते. अध्यक्ष सौरव गांगुलीने पुढील सामने हे भारतात होणार नाहीत, असे स्पष्ट केले होते. त्यानंतर शनिवारी उर्वरित ३१ सामने हे युएईमध्ये घेण्याचा निर्णय बीसीसीआयकडून घेण्यात आला. हा दुसरा टप्पा साधारण १८ किंवा १९ सप्टेंबरला चालू होऊन १० ऑक्टोबरपर्यंत संपेल, असे आयोजन करण्यात येईल असे साग्न्यात येत आहे. अधिकृतरित्या बीसीसीआय काही दिवसांमध्ये याबाबतचे पुढील तपशील जाहीर करेल.