लस घेतली नाही तर कापणार पगार : गुगल

नवी दिल्ली : ओमीक्रॉनचा वाढता धोका लक्षात घेता गुगलने आपल्या कर्मचाऱ्यांना अल्टिमेटम दिला. ज्या कर्मचार्‍यांनी अद्याप लस घेतलेली नाही त्यांनी ती तातडीने घ्यावी, नाहीतर त्यांचे पगार कापले जाऊ शकतात. एवढेच नव्हे तर त्यांना नोकरीही गमवावी लागू शकते. गुगलने कर्मचार्‍यांना त्यांच्या व्हॅक्सीनेशनचा स्टेटस आणि मेडिकल संबंधित कागदपत्रे सादर करण्यासाठी ३ डिसेंबरपर्यंत मुदत दिली होती. आता कंपनीने कर्मचाऱ्यांना लसीकरणाची मुदत १८ जानेवारीपर्यंत वाढवली आहे.

 

 

गुगलने म्हंटले आहे की, जर कोणत्याही कर्मचाऱ्याने ३ डिसेंबरपूर्वी आपले लसीकरण प्रमाणपत्र अपलोड केले नाही तर ते त्यांच्याशी संपर्क साधण्यास सुरुवात करतील. त्यानंतर त्यांना लसीकरण करण्यासाठी १८ जानेवारीपर्यंत वेळ देण्यात येणार आहे. तरीही त्यांनी तसे न केल्यास त्यांना ३० दिवसांच्या सशुल्क प्रशासकीय रजेवर ठेवण्यात येईल. यानंतर, त्यांना ६ महिन्यांसाठी विनावेतन वैयक्तिक रजेवर ठेवले जाईल. त्यानंतरही त्यांनी लसीकरण न केल्यास त्यांचा कार्यकाळ संपणार आहे.