सलग ३ दिवस बँका बंद

मुंबई : शुक्रवारी आलेल्या गुरुनानक जयंतीमुळे सलग ३ दिवस बँकांना सुट्टी मिळणार आहे. त्यानंतर चौथा शनिवार आणि रविवार असल्यामुळे बँका बंद राहणार आहेत. मुंबईसह उर्वरित महाराष्ट्रात सर्व बँक सलग ३ दिवस बंद असणार आहेत. त्यामुळे आजच बँकेत जाऊन तुमचे काम आटपून घेतलेले सोयीचे ठरणार आहे.

२३ नोव्हेंबरला गुरुनानक जयंती आणि २४ व २५ नोव्हेंबरला चौथा शनिवार व रविवार आहे. बँक जरी बंद असल्या तरी एटीएमद्वारे तुम्ही पैसे काढू शकता. जनतेची गैरसोय होऊ नये म्हणून सर्व बँकांनी एटीएममध्ये पुरेशी रोकड राहील याची खबरदारी घेतली आहे. बँक जरी बंद असल्या तरी नेट बँकिंग हा देखील एक पर्याय आहे. या वर्षात अनेक वेळा सलग बँका बंद राहतील अशा सुट्ट्या येत आहेत.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/