प्रवाशांची गैरसोय होईल असं कृत्य करू नये! महाराष्ट्र राज्य मार्ग परिवहन महामंडळाचे आवाहन

 

 

महाराष्ट्र राज्य मार्ग परिवहन महामंडळाने एक परिपत्रक जारी करत कर्मचाऱ्यांना संप न करण्याचे आवाहन केले आहे. "उद्या दि. ४ सप्टेंबर रोजी संध्याकाळी ७ वाजता मुख्यमंत्री एकनाथ शिंदेंनी सह्याद्री अतिथीगृहावर कामगार संघटनांच्या कृती समितीला बैठकीकरिता बोलवले आहे. त्यामुळे महामंडळाच्या कर्मचारी बंधू-भगिनींनी ऐन सणासुदींच्या तोंडावर प्रवाशांची गैरसोय होईल अशी कोणतीही कृती करू नये," असे आवाहन राज्य मार्ग परिवहन महामंडळाने केले आहे.

 

 

तसेच मुख्यमंत्री एकनाथ शिंदेंनीही कर्मचाऱ्यांना संप न करण्याचे आवाहन केले आहे. सकारात्मक चर्चेतून हा प्रश्न सोडवण्याचे आश्वासनही त्यांनी दिले आहे. एसटीच्या संपामुळे अनेक प्रवाशांचे मोठे हाल होत आहेत. दरम्यान, आता मुख्यमंत्र्यांच्या आवाहनानंतर कर्मचारी आपला संप मागे घेणार का? याकडे सर्वांचे लक्ष लागले आहे.