राजकोट पुतळा प्रकरणात चेतन पाटीलला ५ सप्टेंबरपर्यंत पोलीस कोठडी!

31-Aug-2024

Total Views | 60

सिंधुदुर्ग : राजकोट किल्ल्यावरील छत्रपती शिवाजी महाराजांचा पुतळा कोसळल्याप्रकरणी बांधकाम सल्लागार चेतन पाटील याला ५ सप्टेंबरपर्यंत पोलिस कोठडी सुनावण्यात आली आहे. त्याला शुक्रवारी कोल्हापूरातून अटक करण्यात आली होती. त्यानंतर आता ही कारवाई करण्यात आली आहे.

मालवणच्या राजकोट किल्ल्यावर उभारण्यात आलेला छत्रपती शिवाजी महाराजांचा पुतळा २६ ऑगस्ट रोजी कोसळला. याप्रकरणी शिल्पकार जयदीप आपटे आणि बांधकाम सल्लागार चेतन पाटील या दोघांवर गुन्हा दाखल करण्यात आला होता. तेव्हापासून ते दोघेही फरार झाले होते.

हे वाचलंत का? - "काही लोकांना माझा राजीनामा..."; उपमुख्यमंत्री फडणवीसांची टीका

त्यानंतर शुक्रवारी चेतन पाटीलला कोल्हापूरातून पोलिसांनी अटक केली. पुढील तपासासाठी त्याला सिंधुदुर्ग पोलिसांच्या ताब्यात देण्यात आले आहे. त्यानंतर शनिवारी त्याला सिंधुदुर्ग न्यायालयात हजर करण्यात आले होते. दरम्यान, त्याला ५ सप्टेंबरपर्यंत पोलिस कोठडी सुनावण्यात आली आहे. दुसरीकडे, शिल्पकार जयदीप आपटे हा अजूनही फरार असून पोलिस त्याचा शोध घेत आहेत.