"तुम्ही जिंकल्यानंतर मी..."; पॅरिस ऑलिम्पिकमध्ये सहभागी होणाऱ्या खेळाडूंना पंतप्रधान मोदींनी दिला विजयाचा मंत्र

 

 

नवी दिल्ली : भारतीय खेळाडूंचे पथक पॅरिस ऑलिम्पिकसाठी रवाना होत आहे. त्याआधी पंतप्रधान मोदींनी शुक्रवार, दि. ५ जुलै २०२४ खेळाडूंची खास भेट घेतली आणि त्यांना विजयाचा मंत्र दिला. पॅरिस ऑलिम्पिकमध्ये यावेळी भारताचे १२० खेळाडू सहभाग घेत आहेत. २०२० च्या टोकियो ऑलिम्पिकमध्येही भारताच्या १०० हून अधिक खेळाडूंनी सहभाग घेतला होता. टोकियो ऑलिम्पिकमध्ये भारताने भालाफेकमध्ये नीरज चोप्राने मिळवलेल्या सुवर्णपदकासह एकूण सात पदके जिंकली होती. यावेळी भारतीय चाहत्यांना आपल्या खेळाडूंकडून आणखी चांगल्या कामगिरीची अपेक्षा असेल.

 

पंतप्रधान मोदींनी नीरज चोप्रा, बॉक्सर निखत जरीन आणि दोन वेळा ऑलिम्पिक पदक विजेती बॅडमिंटनपटू पीव्ही सिंधू यांच्याशी वीडियो कॉन्फ्रेंसिंगद्वारे संभाषण केले. याशिवाय पहिल्यांदा ऑलिम्पिकमध्ये सहभागी होणाऱ्या खेळाडूंना त्यांनी विजयाचा मंत्र दिला. पीएम म्हणाले, "तुम्ही ऑलिम्पिकमध्ये जाण्याच्या आणि जिंकण्याच्या मूडमध्ये आहात आणि तुम्ही जिंकल्यानंतर मी तुमचे स्वागत करण्याच्या मूडमध्ये आहे."

 

 

पुढे बोलताना पंतप्रधान मोदी म्हणाले, " क्रीडा जगताशी संबंधित असलेल्या आपल्या देशातील खेळाडूंना भेटत राहण्याचा माझा प्रयत्न असतो. गोष्टी शिकणे आणि त्यांचे प्रयत्न समजून घेणे आणि जर व्यवस्थेत काही बदल हवे असतील, तर काही प्रयत्न वाढवायचे असतील तर मी प्रत्येकाशी थेट संवाद साधण्याचा प्रयत्न करतो."

 

खेळाडूंना प्रोत्साहन देताना पंतप्रधान म्हणाले की, "आम्ही खेळणार आहोत, आम्ही आमची सर्वोत्तम कामगिरी करणार आहोत. ऑलिम्पिक हे शिकण्याचेही एक मोठे क्षेत्र आहे. शिकण्याच्या वृत्तीने काम करणाऱ्यांसाठी शिकण्याच्या अनेक संधी आहेत. ज्यांना गरिबीत राहायचे आहे त्यांच्यासाठी संधींची कमतरता. आपल्यासारख्या देशातून लोक तिथे जातात, त्यांना अनेक अडचणी आणि असुविधांना सामोरे जावे लागते, पण त्यांच्या हृदयात त्यांचा देश आणि तिरंगा ध्वज असतो यावेळीही तुम्ही क्रीडा क्षेत्रात भारताचे नाव लौकिक मिळवून द्याल, असा विश्वास आहे."