'फुलेरा'गावात निवडणूकीचे वारे; कोण होणार नवा प्रधान? 'पंचायत ३' चा ट्रेलर पाहाच

 

 

मुंबई : बहुप्रतिक्षित ‘पंचायत’ (Panchayat 3) ही वेब सीरीज सध्या महत्वपुर्ण वळणाला आली आहे. शिवाय 'पंचायत ३' (Panchayat 3) ही यावर्षीत भारतातील बहुप्रतिक्षित वेबसिरीज म्हणून ओळखली जात आहे. या सीरीजच्या दोन्ही भागांनी लोकप्रियता तर मिळवलीच शिवाय प्रत्येत कलाकाराने देखील दमदार अभिनय कौशल्य दाखवले. अशातच नुकताच 'पंचायत ३' चा ट्रेलर प्रदर्शित झाला आहे. या ट्रेलरमध्ये फुलेरा गावात निवडणुकीचं वातावरण पाहायला मिळत आहे. यात भूषण आणि प्रधानजी यांच्यात निवडणुक रंगणार असं दिसत आहे.

 

'पंचायत ३'च्या ट्रेलरमध्ये दिसत आहे की, अभिषेक त्रिपाठी फुलेरा गावचा सचिवजी बनून गावात येतो. त्याची आणि रिंकीची मैत्री वाढताना दिसते. पुढे फुलेरामध्ये पंचायतच्या निवडणुकांचं वातावरण चांगलंच तापलेलं असतं. दरम्यान, या निवडणुकीत प्रधानजींची पत्नी मंजू देवी आणि बनराकस म्हणजेच भूषण पंचायतच्या निवडणुकीला उभे राहतात. भूषण विरुद्ध मंजू देवी ही निवडणुकीची लढत बघायला मिळते. पुढे आधीच्या सीझनमध्ये ज्या विधायकाला फुलेरामधून हाकलवण्यात आलं, त्याच्याकडे शांती प्रस्ताव घेऊन जाण्याची गोष्ट पुढे येते. पुढे काय होणार हे आता 'पंचायत ३' मध्ये पाहायला मिळणार आहे. येत्या २८ मे २०२४ रोजी 'पंचायत ३' प्राईम व्हिडीओवर प्रदर्शित होणार आहे.