मुख्यमंत्री फडणवीसांच्या 'मुंबई इन मिनिट्स' व्हिजनला गती

मुंबई,दि.२५ : विशेष प्रतिनिधी शिवडी-वरळी जोडरस्त्यांसह मुंबईतील ९ प्रमुख प्रकल्पांसाठी मुंबई वाहतूक पोलिसांकडून १७ महत्त्वपूर्ण परवानग्या मंजूर करण्यात आल्या आहेत. या परवानग्या मंजूर झाल्याने मुख्यमंत्री देवेंद्र फडणवीस यांच्या "मुंबई इन मिनिट्स" या व्हिजनला आता गती मिळणार आहे. वाहतूक पोलिसांनी प्रलंबित परवानग्यांच्या मंजुरीसाठी दिलेल्या सहकार्यामुळे मुंबई महानगर प्रदेशातील मेट्रो आणि रस्ते प्रकल्पांना गती मिळणार आहे.

मुंबईतील विविध पायाभूत प्रकल्पांसाठी प्रलंबित असलेल्या परवानग्यांबाबत तातडीने निर्णय घेण्याची आवश्यकता लक्षात घेता मुंबईतील मेट्रो आणि इतर महत्त्वपूर्ण प्रकल्पांसाठी एमएमआरडीएचे आयुक्त डॉ.संजय मुखर्जी, वाहतूक विभागाचे सहआयुक्त अनिल कुंभारे आणि सर्व प्रकल्प अभियंत्यांमध्ये एका विस्तृत बैठकीचे आयोजन करण्यात आले होते. झालेल्या बैठकीत या मंजुऱ्या देण्यात आल्याची माहिती एमएमआरडीएने दिली आहे. या मंजूर परवानग्यांमध्ये मेट्रो लाइन २बी, मेट्रो लाइन ६, शिवडी-वरळी कनेक्टर आणि मिसिंग लिंक फ्लायओव्हरसारख्या महत्त्वाच्या प्रकल्पांसाठी लागणाऱ्या वाहतूक परवानग्या आहेत. या परवानग्यांमुळे प्रकल्पांच्या कामात अडथळे येणार नाहीत, तसेच मुंबईच्या सार्वजनिक वाहतूक व्यवस्थेतील बदल गतिमान होतील, अशी माहिती एमएमआरडीएने दिली आहे.

• संपूर्ण लाईनसाठी वाहतूक परवानगीचे नूतनीकरण

• मिलन सबवेजवळ उंची गेजसाठी परवानगी

• बांद्रा आरओबी (पश्चिम द्रुतगती महामार्ग) येथे वाहतूक बदल

• एस.व्ही. रोडवरील (बांद्रा मेट्रो स्थानक) वाहतूक बदलासाठी परवानगी

• आयआयटी पवई ग्रिड A येथे वाहतूक बदल

• BC02R पॅकेजसाठी वाहतूक परवानगीचे नूतनीकरण

• साकी विहार ते रामबाग येथे वाहतूक बदल

• P103 येथे वाहतूक परवानगी

• जेव्हीएलआर व पूनम नगर येथे १ जून २०२६ पर्यंत परवानगी

• वेस्टर्न फ्री वेवर उन्नत मार्गासाठी परवानगीचे नूतनीकरण

• दहिसर (पूर्व) ते मीरा-भाईंदर मार्गावरील वाहतूक परवानगीचे नूतनीकरण

• आचार्य दोंदे मार्गावरील P31-P32 येथे सिग्नल खांब हलविण्याची परवानगी

• गर्डर उभारणीसाठी आचार्य डोंड मार्ग बंद करण्याची परवानगी

• एल्फिन्स्टन रोड बंद करण्याची परवानगी

• यात वाकोला जंक्शन, युनिव्हर्सिटी जंक्शन, बीकेसी जंक्शन, एमटीएनएल जंक्शन, आणि कुर्ला येथील एलबीएस फ्लायओव्हर समाविष्ट आहे.