राज ठाकरेंनी दिलेली स्क्रीप्ट वाचली : उद्धव ठाकरे

 

 

मुंबई : "वाचून दिलेली स्क्रिप्ट त्यांनी वाचली दुसरं काहीही केलेलं नाही.", असा प्रहार मनसे अध्यक्ष राज ठाकरेंच्या गुढीपाडव्याच्या सभेवर उबाठा गटप्रमुख उद्धव ठाकरेंनी केला आहे. मुंबईतील माहिमची समुद्रातील मजार हटवल्याबद्दल उद्धव ठाकरेंना प्रश्न विचारण्यात आला त्यावेळी ते बोलत होते. उद्धव ठाकरे अर्थसंकल्पीय अधिवेशनात आले होते. तेव्हा पत्रकारांशी त्यांनी संवाद साधला.

 

माहीमच्या मगदूम बाबा दर्ग्याच्या इकडे समुद्रात हे अनधिकृत बांधकाम केलं. २ वर्षांपूर्वी हे काहीच नव्हतं. इथे नवीन हाजीअली तयार करणं सुरु आहे. दिवसाढवळ्या हे सुरु आहे, आणि तरीही पोलीस, महापालिका ह्यांना दिसलं नाही?", असा प्रश्न त्यांनी विचारला.

 

"माझी मुख्यमंत्री एकनाथ शिंदे, उपमुख्यमंत्री/गृहमंत्री देवेंद्र फडणवीस, मुंबई पोलीस आयुक्त विवेक फणसळकर ह्यांना विनंती आहे की हे पाहल्यावर तात्काळ कारवाई करा, हे अनधिकृत बांधकाम तोडा. अन्यथा तिथे आम्ही मोठं गणपतीचं मंदिर उभं करू. आता जे होईल ते होईल.", असा इशारा त्यांनी दिला होता. यानंतर अवघ्या काही मिनिटांतच माहिमच्या या जागेची पोलीसांनी पाहणी केली. गुरुवार, दि. २३ मार्च रोजी पोलीसांनी ही बेकायदा मजार आणि अन्य बांधकाम हटवले.