बार्टीच्या महासंचालकपदी सुनील वारे यांची नियुक्ती!

मुंबई : राज्य सरकारकडून डाॅ. बाबासाहेब आंबेडकर संशोधन व प्रशिक्षण संस्थे(बार्टी)च्या महासंचालक धम्मज्योती‎ गजभिये यांची सोमवारी‎ तडकाफडकी बदली करण्यात‎ आली आहे. धम्मज्योती गजभिये हे 20 सप्टेंबर 2021 रोजी बार्टीच्या महासंचालकपदावर रुजू झाले होते. कार्यमुक्तीचे आदेश‎ सोमवारी देण्यात आले होते. बार्टीच्या महासंचालकपदी सुनील वारे यांची नियुक्ती करण्यात आली आहे.

 

 

 

सामाजिक न्याय व विशेष सहाय्यक विभागाकडून याबाबत प्रसिध्दी पत्रकाद्वारे माहिती देण्यात आली आहे.सामाजिक न्याय व विशेष सहाय्यक विभागाच्या प्रशासकीय नियंत्रणाखालील महासंचालकपदी सुनील वारे यांची नियुक्ती करण्यात आली आहे. तसेच‎ वारे यांना तत्काळ पदभार‎ स्वीकारण्याचे आदेश देण्यात‎ आले आहे.

 

 

 

 

 

 

राज्य सरकारच्या बार्टी संस्थेद्वारे प्रशिक्षण संस्थांना‎ दिलेल्या कंत्राटविषयी अकोल्यातून‎ तक्रार करण्यात आली होती. स्पर्धा परीक्षेच्या पूर्वतयारीसाठी‎ अकोला, बुलडाणा व अमरावती‎ येथील तीन संस्थांना‎ कंत्राट दिले होते. या तीनही संस्था‎ अकोल्यातील प्रा. संतोष कुटे‎ यांच्या आहेत. तसेच बार्टीकडे‎ सादर करण्यात आलेल्या‎ कागदपत्रांमध्ये तीनही ठिकाणचे‎ शिक्षक व विद्यार्थी एकच‎ असल्यानं ही शासनाची फसवणूक‎ आहे असा आरोप‎ प्रा.‎ चंदू सिरसाट यांनी प्रसिध्दी पत्रकाद्वारे केला असून या संदर्भात उच्च न्यायालयात याचिका दाखल केली आहे.