पश्चिम बंगालमध्येही फडकला भगवा

    दिनांक  23-May-2019




कोलकाता : यंदाच्या लोकसभा निवडणुकीत पश्चिम बंगालच्या मतदानाची मोठी चर्चा झाली. तृणमूल काँग्रेस व ममता बॅनर्जींच्या कार्यकर्त्यांनी प्रत्येक टप्प्यात केलेल्या हिंसाचारामुळे अवघ्या देशाचे लक्ष बंगालकडे लागले होते. इथेही भाजपने तृणमूल काँग्रेसला कडवी लढत देत १८ जागांवर विजयश्री खेचून आणली. भाजपच्या मताधिक्क्यात गेल्यावेळपेक्षा भरघोस वाढ झाल्याने इथे पहिल्यांदाच इतक्या मोठ्या प्रमाणात कमळ उमलले व भगवा फडकला. दरम्यान, पश्चिम बंगालच्या मुख्यमंत्री व तृणमूल काँग्रेसच्या सर्वेसर्वा ममता बॅनर्जी यांनी सर्व विजेत्यांचे अभिनंदन केले आहे.

दिल्ली, राजस्थान, गुजरात, हिमाचल, उत्तराखंड, त्रिपुरामध्ये भाजप एके भाजप

 

दिल्लीतील ७, राजस्थानमधील २५, गुजरातमधील २६, हिमाचल प्रदेशातील ४, उत्तराखंडमधील ५ आणि त्रिपुरातील दोन अशा सर्व जागांवर भाजपचे उमेदवार विजयी झाले आहेत. म्हणजेच या राज्यातील सर्व जागा जिंकत भाजपने काँग्रेससह विरोधकांना व्हाईट वॉश दिल्याचे स्पष्ट होते.

 

कर्नाटकात उमलले कमळ

कर्नाटकातील काँग्रेस-जेडीएस आघाडीला नाकारत मतदारांनी भाजपवर विश्वास टाकल्याचे यंदाच्या निवडणुकीतून स्पष्ट झाले. राज्यातील 28 पैकी सुमारे 24 जागा जिंकत भाजपने इथेही आपला झेंडा रोवला आहे.

 

जम्मू-काश्मीरमध्ये भाजपच विजेता

जम्मू-काश्मिरातील जनतेही यंदा पंतप्रधान नरेंद्र मोदींच्या नेतृत्वावर शिक्कामोर्तब केले आहे. राज्यातील सहा जागांपैकी तीन जागा भाजपच्या खात्यात आल्या असून नॅशनल कॉन्फरन्सला दोन तर पीडीपीला एका जागेवर समाधान मानावे लागले आहे.


माहितीच्या
महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो कराtwitter.com/MTarunBharat