जेएम फायनान्शियल म्युच्युअल फंडाकडून 'जेएम स्मॉल कॅप फंड' दाखल

 

 

फंडाच्या अनावरण करण्याच्या प्रसंगी बोलताना, जेएम फायनान्शियल ॲसेट मॅनेजमेंट लिमिटेडचे व्यवस्थापकीय संचालक आणि मुख्य कार्यकारी अधिकारी अमिताभ मोहंती म्हणाले, 'जेव्हा आम्हाला अंतर्निहित मालमत्ता वर्गामध्ये दीर्घकालीन वाढ दिसून येते नेमके तेव्हाच आम्ही कोणतीही नवीन योजना (एनएफओ) दाखल केली जाण्यावर विश्वास ठेवतो. जेएम स्मॉलकॅप फंड हा आमच्या फंडांच्या गुलदस्त्यातील एक महत्त्वाची भर निश्चितच आहे. कारण आम्ही आमचा लार्ज, मिड आणि आता स्मॉल कॅप फंडांचा इक्विटी पोर्टफोलिओ पूर्ण करत आहोत. योजनेच्या अनावरणामुळे आम्ही पुढील काही दशकांमध्ये भारताच्या विकासगाथेचा लाभ घेण्यास सज्ज झालो आहोत, असा आम्हाला विश्वास आहे. मला खात्री आहे की, सतीश रामनाथन आणि असित भांडारकर - जे जेएम स्मॉल कॅप फंडाचे प्राथमिक निधी व्यवस्थापक आहेत - यांच्या नेतृत्वाखालील आमचा मजबूत समभाग गुंतवणूक संघ पुढेही उच्च जोखीम संतुलित परतावा देण्यासाठी प्रयत्नशील राहिल.'

 

 

 

भारतीय अर्थव्यवस्था जागतिक वाढीचा दीपस्तंभ बनत असताना, प्रामुख्याने देशांतर्गत व्यवसायावर केंद्रीत स्मॉलकॅप हे भारताच्या विकासगाथेचा फायदा घेण्यासाठी अधिक चांगल्या स्थितीत आहेत आणि असू शकतात. हे लक्षात घेणे देखील उचित ठरेल की, ७ वर्षांच्या आणि त्याहून अधिक कालावधीचा गुंतवणुकीचा दृष्टिकोन असल्यास, निफ्टी स्मॉलकॅप २५० निर्देशांकाने इतक्या कालावधीत कधीत नकारात्मक परतावा दिला असल्याचे कोणतेही उदाहरण सापडत नाही.

 

या प्रसंगी टिप्पणी करताना, जेएम फायनान्शियल ॲसेट मॅनेजमेंट लिमिटेडचे मुख्य गुंतवणूक अधिकारी (समभाग), सतीश रामनाथन म्हणाले, 'जरी स्मॉल कॅप्स अल्पावधीत अधिक अस्थिर असले तरी गुंतवणुकीचा दृष्टिकोन दीर्घकालीन असल्यास त्यांच्यात संपत्ती निर्माण करण्याची मोठी क्षमता असते आणि खूपच कमी अस्थिरतेसह हे घडून येते.अलिकडच्या वर्षांत स्मॉल कॅप कंपन्यांनी त्यांचे ताळेबंद बळकट करण्यासाठी, आर्थिक स्थिरता वाढवण्यासाठी आणि शाश्वत वाढीसाठी प्रयत्न केले आहेत. कर्जाचा बोजा कमी असल्याने, कंपन्यांकडे वाढीच्या उपक्रमांमध्ये गुंतवणूक करण्याची क्षमता जास्त असते. यामुळे दीर्घकालीन गुंतवणूकदारांसाठी स्मॉलकॅपचा अध्याय आकर्षक बनते.'