E-Paper Download App

UP मध्ये महिलेवर सामूहिक बलात्कार; आरोपी अन्वर पोलिसांच्या ताब्यात, इतर आरोपींचा शोध सुरू

27-Jun-2024

Total Views | 51

लखनौ : उत्तर प्रदेशची राजधानी लखनऊमध्ये एका महिलेवर सामूहिक बलात्कार झाल्याची घटना समोर आली आहे. याप्रकरणी एकूण ७ आरोपींविरुद्ध सामूहिक बलात्काराचा गुन्हा दाखल करण्यात आला आहे. मोबाईल हिसकावून बेदम मारहाण केल्याचा आरोपही तक्रारीत करण्यात आला आहे. अन्वर असे मुख्य आरोपीचे नाव असून त्याला अटक करण्यात आली आहे. अन्य ६ आरोपी फरार असून पोलीस त्यांचा शोध घेत आहेत. ही घटना मंगळवार, दि. २५ जून २०२४ घडली.

मीडिया रिपोर्ट्सनुसार, प्रकरण लखनऊच्या सुशांत गोल्फ सिटी पोलीस स्टेशन परिसरातील आहे. येथे मंगळवारी तीन मुलांच्या आईने सामूहिक बलात्काराचा आरोप करत एकूण सात जणांविरुद्ध तक्रार दाखल केली. तक्रारीत ३० वर्षीय पीडितेने ती अत्यंत गरीब कुटुंबातील असल्याचे म्हटले आहे. तिचा नवरा ऑटो चालवून कुटुंबाचा उदरनिर्वाह करतो.

असा दावा केला जात आहे की मंगळवार, दि. २५ जून २०२४ ती सुशांत गोल्फ सिटी येथील सरकारी रुग्णालयात औषधे घेण्यासाठी जात होती. खुर्दही मार्केटजवळ आधीच उपस्थित असलेल्या सात जणांनी पीडितेला पकडले. या सर्व प्रकारात पीडितेने अन्वरचे नाव मुख्य आरोपी म्हणून दिले आहे. सर्व आरोपी महिलेला जवळच्या बागेत घेऊन गेले. येथे त्यांनी महिलांवर एक एक करून सामूहिक बलात्कार केला.

पीडितेने आरोपीच्या कृत्याला विरोध केला असता तिला बेदम मारहाण करण्यात आली. आरोपींनी महिलेचा मोबाईलही हिसकावून घेतला. कसेबसे पीडितेने पोलीस ठाणे गाठून आपल्यासोबत घडलेला प्रकार सांगितला. पोलीस पथकाने तातडीने या प्रकरणाची दखल घेत कारवाई सुरु केली. पण, तोपर्यंत सर्व आरोपी फरार झाले होते.

पीडितेच्या तक्रारीवरून पोलिसांनी ३० वर्षीय अन्वरसह एकूण सात आरोपींविरुद्ध गुन्हा दाखल केला. या सर्वांवर भारतीय दंड संहिता (IPC) च्या कलम ३७६ (डी) आणि ५०६ सोबत SC/ST कायद्याच्या कलम ३(२)(V) अंतर्गत कारवाई करण्यात आली आहे. पोलिसांची पथके तयार करून आरोपींच्या शोधासाठी छापेमारी सुरू करण्यात आली.

अखेर दि. २६ जून (बुधवार) रोजी मुख्य आरोपी अन्वर याला लखनौच्या सुलतानपूर रोडवरून पळून जाण्याच्या प्रयत्नात असताना पकडण्यात आले. घटनेची सविस्तर चौकशी करता यावी यासाठी आरोपींचा रिमांड मिळविण्याचे प्रयत्न सुरू आहेत. अन्य फरार आरोपींचा शोध सुरू आहे, अशी माहिती पोलिसांनी दिली.