'हा' खेळाडू बनू शकतो चेन्नईचा कर्णधार!

दरम्यान, टीम इंडियाचा हिटमॅन रोहित शर्मा पुढील तीन ते चार वर्ष आयपीएल खेळताना दिसू शकतो. त्यामुळे पुढील हंगामात चेन्नईचे कर्णधारपद त्यास मिळू शकते. त्याचबरोबर, जर का धोनीने निवृत्ती जाहीर केली तर पुढील हंगामात चेन्नई सुपर किंग्जचे कर्णधारपद रिक्त असेल. त्यामुळे या रिक्तपदी कोणाची नेमणूक होईल, याबाबत क्रिकेटरसिकांत चर्चा होताना दिसत आहेत. त्यातच मला रोहित शर्माला चेन्नईकडून खेळतान पाहायचं आहे या अंबाती रायुडूच्या वक्तव्यामुळे चर्चांना उधाण आले आहे.

या सगळ्यात महत्त्वाचे म्हणजे आयपीएलच्या १७ व्या हंगामाआधी मुंबई इंडियन्सनं मोठा निर्णय घेत रोहित शर्माला कर्णधारपदावरून बाजूला सारले. तसेच, मुंबई इंडियन्स संघाला पाच वेळा चषक मिळवून देणाऱ्या रोहित शर्माच्या जागी हार्दिक पांड्याला कर्णधार म्हणून नियुक्त केले. त्यानंतरच रोहित शर्माबद्दल चर्चेला उधाण आले. रोहित शर्मबद्दल अंबाती रायडू यानं केलेल्या वक्तव्यानं सर्वांच्या भूवया उंचावल्या. रोहित शर्मानं चेन्नईचं कर्णधारपद संभाळावं, असे रायडूने म्हटले आहे.