सोनी झी विलिनीकरण फिसकटल्यानंतर सोनीने केले ' हे ' विधान

 

 

याविषयी बोलताना सोनी इंडियाचे हिरोकी टोटोकी प्रसारमाध्यमांना म्हणाले, ' भविष्यातील व्यवसायिक संधी निर्माण करण्यासाठी भारत ही महत्वाची बाजारपेठ आहे. जरी हे डील (झी) झाले नसले तरी संभाव्य रुपात आम्ही भारतातील नव्या संधीसाठी आशावादी आहोत.

 

 

झी व सोनी यांच्या विलीनीकरणात अनेक नाट्यमय घडामोडी घडल्यानंतर अखेर हा करार संपुष्टात आला होता. झी कंपनीचे सीईओ पुनित गोयंका यांना नवीन संस्थेचे चेअरमन होण्यास विरोध दर्शविला होता. विलीनीकरणात तरतूदीत जापनीज कंपनी सोनीला १.५ अब्ज डॉलर नवीन कंपनीत गुंतवणूक करणे अपेक्षित होते. झी कडून तरतूदींचे पालन झाले नसल्याचा आरोप यावेळी सोनीकडून करण्यात आला होता. या भांडणात झीने एनसीलटी ( नॅशनल कंपनी लॉ ट्रिब्युनल) मध्ये सोनी विरूद्ध धाव घेतली होती. एसआयएसीकडून केलेल्या प्रस्तावानुसार ७४८.५ कोटी रूपये स्थगित करण्यात आले होते.

 

 

एनसीलटीकडे गेल्यावर हे विलीनीकरण व्हावे यासाठी झीने मागणी केली. परंतु एनसीलटीकडे सोनी ग्रुपने नुकसानभरपाई मागणीला सिंगापूर इंटरनॅशनल आरबिट्रेशन सेंटर (एसआयएसी) ने झी ने एनसीलटीकडे केलेल्या प्रस्तावाला स्थगिती देण्यास मनाई केली होती. मुंबईतील एनसीलटीचा खंडपीठाने याबाबत आधीच सोनीला नोटीस बजावली होती.

 

 

सोनी पिक्चर नेटवर्क इंडिया ( एसपीएनआय) ची सध्या भारतात २६ टीव्ही चॅनल्स अस्तित्वात आहेत. याशिवाय सोनी लिव हा ओटीटी प्लॅटफॉर्म आहे. सोनीने गेल्या आर्थिक वर्ष २३ मध्ये ६६८४ कोटींची महसूल प्राप्त केला होता.