मराठी चित्रपटांना ओटीटीवर जागाच मिळेना, राहुल देशपांडेचा 'अमलताश' चित्रपट यु्ट्यूबवर होणार प्रदर्शित

 

 

 

 

मुंबई : गायक राहुल देशपांडे यांचे संगीतक्षेत्रात योगदान प्रचंड आहे. आपल्या आवाजाने त्यांनी आजवर रसिक-प्रेक्षकांना भुरळ घातली आहे. गायनाव्यतिरिक्त ‘अमलताश’ चित्रपटात त्यांनी अभिनय करुन एक नवी ओळख देखील निर्माण केली आहे. दरम्यान, आता अमलताश हा चित्रपट प्रेक्षकांना घरबसल्या पाहता येणार असून ओटीटी प्लॅटफॉर्मवर नव्हे तर हा चित्रपट युट्यूबवर प्रदर्शित करण्याचा निर्णय घेण्यात आला आहे. राहूल देशपांडे यांनी सोशल मिडियावर एका व्हिडिओच्या माध्यमातून कुठल्याही ओटीटी वाहिनीने हा मराठी चित्रपट घेण्याची तयारी दाखवली नाही ही खंत देखील बोलून दाखवली आहे.

 

 

 

‘अमलताश’ हा चित्रपट ८ मार्च २०२४ रोजी चित्रपटगृहामध्ये प्रदर्शित झाला होता. राहुल देशपांडे व चित्रपटाच्या टीमने ‘अमलताश’ हा चित्रपट ओटीटीवर नाही तर युट्यूबवर प्रदर्शित केला आहे. व्हिडिओमध्ये राहूल देशपांडे यांनी प्राईम, नेटफ्लिक्स आणि सॅटेलाईट्स चॅनल यांनी देखील मराठी चित्रपटांकडे पाठ फिरवल्याचे दुर्दैवी सत्य सांगितले आहे.