कर्नाटकमधील काँग्रेस सरकारचा हिंदूद्वेष कायम! १०८ फुटावरील भगवा ध्वज हटवला

 

 

बंगळुरु : काँग्रेसची सत्ता असलेल्या कर्नाटकात पोलिसांनी भाविकांनी लावलेला १०८ फूट भगवा हनुमान ध्वज जबरदस्तीने हटवला. स्थानिकांनी याला विरोध केल्यावर पोलिसांनी लाठीचार्जही केला. कर्नाटकातील मंड्या जिल्ह्यातील केरागोडू गावात ही घटना घडली. मिळालेल्या माहितीनुसार, मंड्या जिल्ह्यातील केरागोडू गावात गावकऱ्यांनी आपापसात दान गोळा करून १०८ फूट लांबीचा खांब लावला होता. त्यावर भगवा ध्वज आणि अंजनेयाची प्रतिमा होती (हनुमानजींना येथे अंजनेय म्हणतात). गावातील रंगमंदिराजवळ त्याची प्रतिष्ठापना करण्यात आली. यासाठी ग्रामपंचायतीची परवानगीही घेण्यात आल्याचे सांगण्यात येत आहे.

 

मात्र, गावातील काही लोकांना ते आवडले नाही आणि त्यांनी त्याविरोधात तक्रार केली. या तक्रारीच्या आधारे मंड्याचे प्रशासन शनिवारी (२७ जानेवारी २०२४) येथे पोहोचले आणि त्यांनी खांबावरील ध्वज हटवला. येथील ध्वज हटविण्यासाठी प्रशासनाने मोठ्या प्रमाणात पोलीस बंदोबस्त आणला होता. या वेळी गावातील लोकांनी विरोध केला आणि प्रशासनाला विनंती केली की त्यांनी परस्पर संमतीने हा ध्वज लावला, मात्र त्यानंतरही प्रशासन मान्य झाले नाही. गावकऱ्यांनी जास्त विरोध केल्यावर पोलिसांनी त्यांना येथून हटवण्यासाठी लाठीचार्जही केला.

 

एका अहवालात असेही म्हटले आहे की ध्वज काढण्यासाठी रात्रीची वेळ निवडण्यात आली होती. शनिवारी रात्री ध्वज काढण्यात आला. रात्रीपासून येथे लोक जमू लागले होते आणि आज (२८ जानेवारी २०२४) सकाळी येथील वातावरण अधिकच तणावपूर्ण बनले होते. प्रशासनाच्या या निर्णयामुळे संतप्त झालेल्या ग्रामस्थांनी केरळगोडू बंद ठेवण्याचा निर्णय घेतला आहे.

 

ग्रामस्थांनी काँग्रेसचे स्थानिक आमदार रवींद्र कुमार यांचे पोस्टर फाडून निषेध केला. काही लोकांनी या संपूर्ण प्रकरणामागे त्यांचा हात असल्याचा आरोप केला आहे. येथे उपस्थित असलेले बजरंग दल, भाजप आणि जेडीएसचे कार्यकर्ते सतत निदर्शने करत आहेत आणि भगवा ध्वज पुन्हा लावण्याची मागणी करत आहेत.