हरियाणा हिंसाचार! कट्टरपंथीयांकडून शक्ती सैनी यांची हत्या

01-Aug-2023

Total Views | 335

चंदीगड : ३१ जुलै २०२३ (सोमवार) रोजी हरियाणातील नूह येथे जलाभिषेक यात्रेदरम्यान हिंसाचार झाला. या हिंसाचारात २ होमगार्ड जवानांसह एकूण ३ जणांचा मृत्यू झाला. परिसरात कलम १४४ लागू करण्यात आले आहे. ताज्या माहितीनुसार, १ ऑगस्ट २०२३ रोजी हरियाणाच्या नगीना परिसरातून आणखी ३ मृतदेह सापडले आहेत.

यातील २ मृतदेहांची ओळख पटलेली नाही. तिसरा मृतदेह शक्ती सैनी नावाच्या ३४ वर्षीय तरुणाचा असल्याचे सांगण्यात येत आहे. नगीना येथे शक्ती सैनी यांचे मिठाईचे दुकान होते. हरियाणा शिवसेना शिंदे गटाचे पदाधिकारी ऋतुराज यांनी सांगितले की, मृत शक्ती सैनीच्या वडिलांचे नाव सोमपाल आहे. ते मुस्लिमबहुल भाडस गावचे रहिवासी होते. शक्ती सैनी हे मिठाईचे दुकान चालवून कुटुंबाचा उदरनिर्वाह करत होते.

उर्वरित २ मृतदेह हिंदूंचे असण्याची भीती ऋतुराजने व्यक्त केली. मात्र, दोन्ही मृतदेहांची अधिकृत ओळख पटवण्याचे प्रयत्न सुरू आहेत. ऋतुराजने पुढे सांगितले की, हल्ल्यावेळी शक्ती सैनी त्याच्या दुकानात उपस्थित असल्याचा संशय आहे. त्याचे दुकानातून अपहरण करून दुसऱ्या ठिकाणी नेण्यात आले आणि नंतर त्याला मारहाण करून त्याच बरकाली चौकात फेकून दिले, ज्याच्या आजूबाजूला त्याचे दुकान होते.

आम्हाला असेही सांगण्यात आले की, ज्या भडस गावात शक्ती सैनी राहायचे, ते मुस्लिमबहुल आहे. यासोबतच ऋतुराजने संपूर्ण नगीना मेवातचा भाग असल्याचे सांगून मुस्लिम बहुसंख्य असल्याचे सांगितले. गुडगावचे आणखी एक रहिवासी सत्य भारद्वाज यांनी शेजारच्या नोहाची स्थिती चिंताजनक असल्याचे सांगून पोलिसांना अधिक अधिकार देण्याचे आवाहन केले.