निवारा बालगृहाला एक महिन्याचा किराणा भेट

मॅरेथॉन डिजिटल होल्डिंगचा कौतुकास्पद उपक्रम

    13-May-2023
Total Views | 2104
nivara

जामखेड :
 मॅरेथॉन डिजिटल होल्डिंग जामखेड शाखेतर्फे ग्रामीण विकास केंद्र संचलित अनाथ, निराधार व लोककलावंताच्या मुलांकरिता कार्यरत असणाऱ्या निवारा बालगृहाला एक महिन्याचा किराणा भेट देण्यात आला. सोबतच विद्यार्थ्यांना खाऊ वाटप देखील करण्यात आला.

संस्थेचे अध्यक्ष अरुण आबा जाधव यांच्याशी मॅरेथॉन होल्डिंगचे केतन गर्जे यांनी संपर्क साधून संस्थेसाठी योगदान देण्याची इच्छा व्यक्त केली, त्यावेळी जाधव यांनी सध्या आम्हाला किराण्याची आवश्यकता असल्याचे सांगितले. त्यावेळी गर्जे यांनी यांस सहमती देत आम्ही संस्थेला एक महिन्याचा किराणा देण्याचे आश्वासन दिले होते. अखेर आज दिनांक 13 मे रोजी मॅरेथॉन डिजिटल होल्डींगच्या जामखेड येथील सहकाऱ्यांनी संस्थेस भेट देत एक महिन्याचा किराणा भेट दिला.

समाजात काम करत असताना आपण या समाजाचे देणे लागतो, या भावनेतून आम्ही संस्थेला भेट देत असल्याचे गर्जे यांनी सांगितले. तर विद्यार्थ्यांना महिन्याभराचा किराणा देऊन मॅरेथॉन डिजिटल होल्डींगने आपली सेवाभाववृत्ती दाखवल्याचे अरुण आबा जाधव आणि संतोष चव्हाण यांनी मॅरेथॉन डिजिटल होल्डिंग व सहकाऱ्यांचे आभार मानले.

यावेळी अरुण आबा जाधव, संतोष चव्हाण, केतन गर्जे, तेजस पंगुडवाले, यश भाकरे, जय चिंतामणी, अजिक्य राळेभात, केतन राळेभात, प्रज्वल राळेभात, राहुल राळेभात, ऋषी उबाले, सागर राळेभात, विशाल गीते, महेश डोके, वैभव सगर आदी शिक्षक व विद्यार्थी उपस्थित होते.


अग्रलेख
जरुर वाचा
राज ठाकरेंची पक्षसंघटनेवर आचारसंहिता! म्हणाले, मला विचारल्याशिवाय...

राज ठाकरेंची पक्षसंघटनेवर आचारसंहिता! म्हणाले, "मला विचारल्याशिवाय..."

मनसे अध्यक्ष राज ठाकरे यांनी पक्षातील सर्व नेत्यांना आणि कार्यकर्त्यांना एक ठाम आणि स्पष्ट आदेश दिला आहे. राज ठाकरे यांनी सांगितले की, "पक्षातील कोणताही नेता, कार्यकर्ता, प्रतिनिधी यांनी कोणत्याही वृत्तपत्र, वृत्तवाहिनी किंवा डिजिटल माध्यमांशी संपर्क साधू नये. तसेच, स्वतःचे मत व्हिडीओच्या माध्यमातून सोशल मीडियावर अपलोड करणेही थांबवावे." याशिवाय, त्यांनी पक्षाचे अधिकृत प्रवक्ते यांनाही इशारा दिला आहे. राज ठाकरे म्हणाले, "ज्यांना अधिकृत प्रवक्त्याची जबाबदारी दिली आहे त्यांनी सुद्धा माझी परवानगी घेतल्याशिवाय ..

महाराष्ट्र किनारी क्षेत्र व्यवस्थापन प्राधिकरणाच्या पुनर्रचनेची अधिसूचना जाहीर ; पर्यावरण मंत्री पंकजा मुंडे यांच्या पाठपुराव्याला यश

महाराष्ट्र किनारी क्षेत्र व्यवस्थापन प्राधिकरणाच्या पुनर्रचनेची अधिसूचना जाहीर ; पर्यावरण मंत्री पंकजा मुंडे यांच्या पाठपुराव्याला यश

राज्यातील विविध विकास कामे व प्रकल्पांना किनारी क्षेत्र नियमन (सीआरझेड) अंतर्गत वेळेवर मंजुरी मिळावी यासाठी महाराष्ट्र किनारी क्षेत्र व्यवस्थापन प्राधिकरण पुनर्रचना व्हावी यासाठी राज्याच्या पर्यावरण व वातावरणीय बदल मंत्री पंकजा मुंडे यांनी केंद्र सरकारकडे सातत्याने पाठपुरावा केला होता. त्यांच्या या प्रयत्नांना अखेर यश मिळाले असून, केंद्र सरकारच्या पर्यावरण, वन आणि हवामान बदल मंत्रालयाने महाराष्ट्र किनारी क्षेत्र व्यवस्थापन प्राधिकरण पुनर्रचित करत अधिसूचना जारी केली आहे...

Email

admin@mahamtb.com

Phone

+91 22 2416 3121