साई ब्लड स्टोरेज सेंटर वनवासी बांधवांच्या सेवेत

कल्याण : रा स्व संघ जनकल्याण समिती कल्याण जिल्हा संचालित, साई ब्लड स्टोरेज सेंटरचे शुक्रवारी उद्घाटन करण्यात आले. शहापूर सारख्या वनवासी भागात गंभीर रुग्णांना लवकरात लवकर रक्त उपलब्ध व्हावे या उद्देशाने रोटरी क्लब ऑफ ठाणे यांच्या आर्थिक सहकार्याने हे केंद्र शहापूर येथे सुरू करण्यात आले आहे. या उपक्रमासाठी ठाण्यातील कै वामनराव ओक रक्तपेढी चे बहुमोल सहकार्य लाभले आहे. झपाट्याने वाढणाऱ्या शहापुरात वाढते अपघात,नित्य होणाऱ्या शस्त्रक्रिया आणि रुग्णांमधील रक्ताल्पता विचारात घेऊन हे केंद्र येथे सुरू करण्यात आले आहे.

त्याचप्रमाणे, डॉक्टर उल्हास वैद्य, अच्युत दामले आणि रोटरी क्लब ठाणे राजीव कर्णिक , भिवंडी जिल्हा माननीय संघचालक एडवोकेट शंकर पाटील ,भिवंडी जिल्हा कार्यवाह अमेय आठवले, शहापूर तालुका कार्यवाह गणेश पोद्दार, विभाग प्रचारक मंदार कुलकर्णी, जनकल्याण समिती कल्याण जिल्हा उपाध्यक्ष ललित सारंग ,सहकार्यवाह विजयालक्ष्मी बोडस,कोषाध्यक्ष प्रमोद देशपांडे उपस्थित होते. कै वामनराव रक्तपेढी च्या सहकार्याने रक्तदान शिबिरही घेण्यात आले. या शिबिरात २५ जणांनी रक्तदान केले. कार्यक्रमाला गावातील ५० लोक उपस्थित होते.