तृतीयपंथी नागरिकांना ओळखपत्र देण्यामध्ये महाराष्ट्र राज्य प्रथम क्रमांकावर

मुंबई : तृतीयपंथी नागरिकांना ओळखपत्र देण्यामध्ये महाराष्ट्र राज्य प्रथम क्रमांकावर आहे. तृतीयंपथीयांच्या हक्कांचे संरक्षण अधिनियम २०१९ मधील नियम २०२० अंतर्गत विभाग सहा आणि सात नुसार जिल्हास्तरीय समितीद्वारे तृतीयपंथीयांना त्यांचे ओळख प्रमाणपत्र, ओळखपत्र देण्यात येत आहे. तृतीयपंथी नागरिकांना ‘नॅशनल पोर्टल फॉर ट्रान्सजेंडर पर्सन’ या केंद्र शासनाच्या पोर्टलद्वारे तृतीयपंथी असल्याचे प्रमाणपत्र आणि ओळखपत्र उपलब्ध करून देण्याची योजना आहे. त्या अंतर्गत. आतापर्यंत राज्यातून ४,४११ ओळखपत्रे दिली आहेत. महाराष्ट्रानंतर दुसरा क्रमांक कर्नाटक राज्याचा असून येथे ३५२८, त्यानंतर आंध्र प्रदेश २९०५, त्यानंतर ओडिशा २६६८ ओळखपत्र वितरीत करण्यात आली आहेत

ओळखपत्र कसे मिळते

जिल्ह्यातील पात्र तृतीयपंथीयांनी ‘नॅशनल पोर्टल फॉर ट्रान्सजेंडर पर्सन’ या पोर्टलला मध्ये ‘अप्लाय ऑनलाईन’ वर आपला युजर आयडी आणि पासवर्ड तयार करायचे. त्यामध्ये आपली सर्व माहिती भरावी. ऑनलाईन अर्जासोबत मानसोपचारतज्ज्ञांनी दिलेला अहवाल व आवश्यक कागदपत्रे अर्जासोबत जोडणे महत्वाचे आहे.