शिवसेनाभवन आणि संबंधीत प्रॉपर्टी संदर्भात दावा ठोकणाऱ्या न्यायालयातील याचिकेबाबत नरेश म्हस्केंचा मोठा खुलासा

मुंबई (वेब डेस्क) : उद्धव ठाकरे यांची ४० आमदार आणि १६ खासदारांनी साथ सोडली, पक्षनाव आणि चिन्हही मुख्यमंत्री एकनाथ शिंदेंना मिळालं. आता शिवसनेचा मूळ गाभा असलेल्या शाखाही एकनाथ शिंदे गटाकडे जाणार का, असा सवाल उपस्थित केला जात आहे. शिवसेना पक्षाचा शाखा आणि निधीही निवडणूक आयोगाच्या सुनावणीनुसार ज्याच्या पक्षात निकाल जाईल त्याच्याकडे द्या, अशी याचिका सर्वोच्च न्यायालयात करण्यात आली आहे. यात एकनाथ शिंदेंची बाजू मजबूत झाल्याचे मानले जात आहे. एकनाथ शिंदेंना यापूर्वीच धनुष्यबाण आणि शिवसेना चिन्ह मिळाले आहे. परिणामी हा निकालही त्यांच्या बाजूने लागणार का याकडे सर्वांचे लक्ष आहे. याचिकाकर्ते व उच्च न्यायालयातील वकिल आशिष गिरी यांनी ही याचिका दाखल केली आहे.

शिवसेनेच्या मालमत्ता त्यांच्याकडे याव्यात,' अशी मागणी याचिकाकर्त्याने केली आहे. उद्धव ठाकरेंना ही भीती आधीपासूनच असल्याने त्यांनी पक्षनिधी वळवण्याची प्रक्रीया सुरूच केली होती. ज्यांच्या पक्षात हा निकाल जाईल त्यांच्याकडेच पक्षनिधी, शाखा आणि शिवसेना पक्षाच्या स्थावर मालमत्ताही वळाव्यात, अशी मागणी त्यांनी केली आहे.