मुंबई : गुजरातमधील अहमदाबाद येथील नरेंद्र मोदी स्टेडियमवर भारत आणि पाकिस्तान यांच्यात वर्ल्ड कप २०२३ लीग सामना सुरू आहे. तत्पूर्वी, शंकर महादेवन आणि अरिजित सिंग या गायकांनी सादरीकरण केले आणि रंगारंग कार्यक्रमांचे आयोजन केले होते. मात्र, हा कार्यक्रम ऑनलाइन का प्रसारित केला गेला नाही याबद्दल अनेक चाहत्यांची निराशा झाली. हा रंगारंग कार्यक्रम केवळ स्टेडियममध्ये उपस्थित असलेल्या प्रेक्षकांसाठी असून ऑनलाइन किंवा सॅटेलाइट टीव्हीवर पाहणाऱ्या प्रेक्षकांसाठी नसल्याचे सांगण्यात आले आहे.