होमियोपथी - सिम्पल रेमिडीज फॉर ऑल एजेस पुस्तकाचे प्रकाशन

मुंबई : पद्मश्री पुरस्कार प्राप्त आणि डॉ. बत्राज हेल्थकेअर या होमियोपथी क्लिनिक्सच्या सर्वात मोठ्या श्रृंखलेचे संस्थापक डॉ. मुकेश बत्रा यांच्या ‘होमियोपथी - सिम्पल रेमिडीज फॉर ऑल एजेस’ या नव्या पुस्तकाचे प्रकाशन करण्यात आले. घरगुती उपायांच्या माध्यमातून वेळेवर गुणकारी ठरणारी होमियोपथी समजून घेण्यासाठीची ही एक सोपी, सहज उपलब्ध असलेली मार्गदर्शिका आहे. हे पुस्तक पॉप्युलर प्रकाशद्वारे प्रकाशित करण्यात आले आहे.

पद्मश्री पुरस्कार विजेते आणि डॉ. बत्राज ग्रुप ऑफ कंपनीजचे संस्थापक डॉ. मुकेश बत्रा म्हणाले, “होमियोपथी हा भारतातील आरोग्यसेवेचा प्राथमिक स्रोत आहे आणि वैद्यकीय उपचारांसाठी १० कोटी लोक होमियोपथीचा वापर करतात. माझ्या पाच दशकांहून अधिक असलेल्या वैद्यकीय सेवेनंतर आता लोकांच्या घरीच डॉक्टर उपलब्ध करून देऊन वैद्यकीय उपचार देणाऱ्यांचे ओझे थोड्याफार प्रमाणात कमी करणे, हा या पुस्तकाच्या माध्यमातून माझा प्रयत्न आहे.”

अभिनेते आणि प्रमुख पाहुणे श्री. गुलशन ग्रोव्हर म्हणाले, “डॉ. बत्रा हे माझे जवळचे मित्र आणि अत्यंत गुणवान व्यक्ती आहेत. माझा होमियापथीवर विश्वास आहे आणि लोकांना बरे करण्याची व त्यांचे आयुष्य बदलण्याची डॉ. बत्रा यांची क्षमता मी प्रत्यक्ष पाहिली आहे. आता या पुस्तकाच्या माध्यमातून लाखो लोकांना त्यांच्या या क्षमतेचा अनुभव घेता येणार आहे, याचा मला आनंद आहे.”

पॉप्युलर प्रकाशनचे प्रकाशक श्री. हर्ष भटकळ म्हणाले, “बेस्ट-सेलिंग लेखक आणि आधुनिक होमियोपथीचे आद्यप्रवर्तक डॉ. मुकेश बत्रा यांच्यासमवेत काम करणे हा माझा बहुमान आहे. हे पुस्तक औपचारिक प्रकाशनाच्या आधीच खूप लोकप्रिय झाले आहे आणि याच्या प्रकाशनाच्या आधीच अॅमेझॉनवर साकल्य आरोग्यसेवा विभागात हे पुस्तक पहिल्या क्रमांकाचे बेस्टसेलर आहे.”