"बाबासाहेब पुरंदरेंनी मला मदत केली नव्हती"

 

मुंबई: "मी लिहिलेल्या पुस्तकासाठी बाबासाहेब पुरंदरेंनी मला कोणतीही मदत केली नव्हती" असे स्पष्टीकरण जेम्स लेन यांनी दिले आहे. बाबासाहेब पुरंदरेंनी लेखक जेम्स लेनला त्यांचे 'शिवाजी द हिंदू किंग इन इस्लामिक इंडिया' हे वादग्रस्त पुस्तक लिहिण्यासाठी मदत केली होती असा आरोप राष्ट्रवादी काँग्रेसचे अध्यक्ष शरद पवार यांनी केला होता. या आरोपानंतर जेम्स लेनची 'इंडिया टुडे' या वृत्तवाहिनीने ईमेलद्वारे मुलाखत घेतली होती त्यावेळी त्यांनी हे स्पष्टीकरण दिले होते.

 

 

 

मी फक्त कथा सांगतो, कुठलाही ऐतिहासिक दावा मी माझ्या पुस्तकातून करत नाही असं दावा जेम्स लेनने या मुलाखतीत स्पष्ट केले आहे. शरद पवार यांनी केलेल्या टीकेवर "बाबासाहेब पुरंदरे हे सॉफ्ट टार्गेट असून फक्त राजकीय स्वार्थासाठी त्यांच्यावर आरोप केले जात आहेत" असा आरोप राज ठाकरे यांनी त्यांच्या ठाण्याच्या सभेत केला होता.