E-Paper Download App

चार विद्यापीठांचा बाद फेरीत विजय

21-Nov-2018

Total Views | 27

जळगाव

पश्चिम विभागीय आंतरविद्यापीठ खो-खो (महिला) स्पर्धेच्या दुसर्‍या दिवशी पहिल्या सत्रात महाराष्ट्रातील संत गाडगेबाबा अमरावती विद्यापीठ, अमरावती, राष्ट्रसंत तुकडोजी महाराज नागपूर विद्यापीठ, नागपूर, डॉ.बाबासाहेब आंबेडकर मराठवाडा विद्यापीठ, औरंगाबाद आणि सोलापूर विद्यापीठ या 4 विद्यापीठांनी बाद फेरीत विजय प्राप्त केले.

मंगळवारी सौराष्ट्र विद्यापीठ राजकोटने देवी अहिल्याबाई विद्यापीठ इंदूरचा 1 डाव 8 गुणांनी (12-4) पराभव केला. सौराष्ट्रच्या अमृताबेन गोहिल हिने पाच गडी बाद करताना 5.20 मिनिटे संरक्षणात्मक खेळ केला तर निधी बोरसेने पहिल्या डावात 1.40 व दुसर्‍या डावात 330 मिनिटे खेळ केला.

देवी अहिल्याबाई विद्यापीठाच्या रितिका दुबेने 4 मिनिटे खेळ करत एक गडी बाद केला. याच गटात दुसर्‍या झालेल्या सामन्यात महर्षी दयानंद सरस्वती विद्यापीठ, अजमेरने ज्योती महिला विद्यापीठ, जयपूरवर 1 डाव 14 गुणांनी (17-9) असा एकतर्फी विजय मिळवला.

महर्षी दयानंदच्या शिल्पा बस्तीने 7.30 मिनिटांचा उत्तम खेळ केला तर बबिता पांडेने 5.40 मिनिटे खेळ केला. पूजा रायरे ही दोन मिनिटे खेळली आणि पाच गडी बाद केले.

संत गाडगेबाबा अमरावती विद्यापीठाने विक्रम विद्यापीठ, उज्जैनचा पूर्वा पावडे, श्रद्धा बोडिले आणि पायल जाधव या खेळाडूंच्या उत्तम खेळीने 1 डाव 9 गुणांनी (15-6) पराभव केला. पूर्वा पावडे ही 2.30 मिनिटे खेळली व पाच गडी बाद केले.

ब गटात बरकतुल्लाह विद्यापीठ भोपाळने सरदार पटेल विद्यापीठ, वल्लभनगर, गुजरातचा 1 डाव 1 गुणाने (11-10) पराभव केला. नौना जौन हिने पहिल्या डावात 2.30 मिनिटे खेळ केला व पाच गडी बाद केले.

रितिका सलोरिया व अंकिता विश्वकर्मा यांनीदेखील उत्तम खेळ केला. दुसर्‍या सामन्यात गोंडवाना विद्यापीठ गडचिरोलीच्या संघाला वीर नर्मद दक्षिण गुजरात विद्यापीठ, सुरत यांच्याकडून 1 डाव 10 गुणांनी (3-13) पराभूत व्हावे लागले.

वीर नर्मदच्या ओपिना भिलार व प्रियंका पटेल यांनी प्रत्येकी तीन गडी बाद केले. या गटातील अन्य सामन्यात राष्ट्रसंत तुकडोजी महाराज नागपूर विद्यापीठाने महाराजा कृणककुमारसिंहजी भावनगर विद्यापीठावर 1 डाव 13 गुणांनी (19-6)मात केली.

नागपूरच्या दिशा शिंदे व मृणाली कृणाल यांनी प्रत्येकी 2.40 मिनिटे खेळ करून 2 गडी बाद केले. क गटात जय नारायण व्यास विद्यापीठ जोधपूर या संघाला पं. दीनदयाल उपाध्याय शेखावती विद्यापीठ, सिकर यांच्याकडून 1 डाव 4 गुणांनी (1-5) पराभूत व्हावे लागले.

jalgaon Kavayitri Bahinabai Chaudhari North Maharashtra University Jalgaon Four universities win in the next round