अजमेरच्या सभेत भर पावसात भिजत फडणवीसांचे तुफानी भाषण!

15-Sep-2023

Total Views | 99

राजस्थान : भाजपची परिवर्तन संकल्प यात्रा १४ सप्टें. रोजी अजमेर शहरात पोहोचली. अजमेर शहरात सुमारे २० ठिकाणी यात्रेचे जल्लोषात स्वागत करण्यात आले. कैसरगंज चौकाजवळ जाहीर सभेचे आयोजन करण्यात आले होते. उपमुख्यमंत्री देवेंद्र फडणवीसांचे भाषण सुरु होताच, पावसाने धुमाकुळ घातला. मात्र तरीही फडणवीसांनी पावसात भिजत आपलं तुफानी भाषण सुरुच ठेवलं.

देवेंद्र फडणवीस म्हणाले की, "भाजपच्या परिवर्तन संकल्प यात्रेला अभूतपूर्व पाठिंबा मिळत आहे. लोक यात्रेचे ठिकठिकाणी स्वागत करत आहेत. त्यामुळे प्रवासाला इच्छित स्थळी पोहोचण्यास वेळ लागत आहे. अजमेर सीमेवरून जनसभेला पोहोचायला २ तास लागले. हजारो लोक वाटेत उभे राहून प्रवासाचे स्वागत करत आहेत. व्यापारी, तरुण शेतकऱ्यांसह समाजातील प्रत्येक घटकाने यात्रेचे स्वागत केले आहे."

ऐतिहासिक...

आज राजस्थान की सड़कों पर भगवा सागर नज़र आया। तेज बारिश में भी अजमेर की जनसभा में मौजूद ये जनसमूदाय इस बात का सबूत है कि अब राजस्थान में परिवर्तन होकर रहेगा। @BJP4Rajasthan @VijayaRahatkar @cpjoshiBJP #Rajasthan #Maharashtra #Kekri #ParivartanYatra #BJPForRajasthan… pic.twitter.com/wd0YGqK7zq
— Devendra Fadnavis (@Dev_Fadnavis) September 14, 2023

"मला वाटते की लोकांनी त्यांचे मन बनवले आहे. यावरून राजस्थानच्या जनतेला मोदींना बळ देऊन भाजपसोबत जायचे आहे, हे स्पष्ट होते. २०२३ मध्ये राजस्थानमध्ये कमळ फुलणार हे जनतेने ठरवले आहे. गेल्या साडेपाच वर्षात काँग्रेस सरकारने भ्रष्टाचाराचे सर्व विक्रम मोडीत काढले. काँग्रेस सरकारचा पराभव करण्यासाठी भाजपला जनतेचा पूर्ण पाठिंबा मिळत आहे." असंही फडणवीस म्हणाले.