पवारांचे म्हणणे शंभर टक्के खोटे!

    11-Jun-2020
Total Views | 1193
Sharad Pawar _1 &nbs
 
 


अभाविपचा राष्ट्रवादीला टोला

मुंबई : अंतिम विद्यार्थ्यांच्या परिक्षांवरून राजकारण तापले असताना शरद पवार यांनीही याबद्दल मत व्यक्त केले होते. याला आता अभाविपतर्फे प्रत्युत्तर देण्यात आले आहे. "पवारांचे म्हणणे शंभर टक्के खोटे आहे. शरद पवारजी तुमची माहिती चूकीची आहे, तुम्ही ज्या ऑक्सफर्ड विद्यापीठाचे नाव घेत राज्याचे राज्यपाल भगतसिंह कोश्यारी यांचे ज्ञान काढलेत. पण दुर्दैवाने राज्यपलांचे नाही तुमचे ज्ञानच अधूरे ठरत आहे. ऑक्सफर्ड विद्यापीठाने सरसकट सर्व परीक्षा रद्द केलेल्या नाहीत अंतिम वर्षांच्या परीक्षा घेण्याचे त्यांनी ठरविले असून त्यांनीही ऑनलाइन, ओपन टेक्स्ट बुक सारखे पर्याय निवडले आहेत.", असा टोला अभाविप सचिव अनिकेत ओव्हाळ यांनी पवारांना लगावला आहे.


ते म्हणाले, "आज पुन्हा एकदा महाराष्ट्राचे राजकारणी विद्यार्थ्यांना भ्रमित करीत आहेत हे सिद्ध झाले. तुमच्या पक्षात विद्यार्थ्यांना आकर्षित करण्यासाठी विद्यार्थ्यांचे वाटोळे करू नका. आज तुमच्या पक्षाचा वर्धापन दिवस आहे त्यात तुम्ही महाराष्ट्राच्या युवकाना मार्गदर्शन कराल असे वाटले होते पण तुम्हीही तोच अर्धवट ज्ञानाचा कित्ता गिरवलात. माझी माहिती चूकीची असेल तर पवार अचूक माहिती देतील अशी अपेक्षा आहे,"
अग्रलेख
जरुर वाचा
बेकायदेशीर बाईक टॅक्सीवर कडक कारवाई अवैध प्रवासी वाहतूक करणाऱ्यांवर वायुवेग पथकाची कारवाई

बेकायदेशीर बाईक टॅक्सीवर कडक कारवाई अवैध प्रवासी वाहतूक करणाऱ्यांवर वायुवेग पथकाची कारवाई

मुंबई महानगरात काही प्रवासी अवैध मार्गाने बाईक टॅक्सीच्या माध्यमातून प्रवास करत असल्याचे निदर्शनास आले. काही दिवसांपूर्वी राज्याचे परिवहन मंत्री प्रताप सरनाईक यांनी स्वतःच स्टिंग ऑपरेशन करत हा प्रकार उघडकीस आणला. तसेच, याबाबत परिवहन विभागाकडे अनेक तक्रारी देखील प्राप्त झाल्या. त्या अनुषंगाने विभागाकडून तातडीने तपास सुरू करण्यात आला. यामध्ये काही अप्रमाणित ॲप्स व बेकायदेशीर बाईक टॅक्सी चालकांकडून शासनाच्या कोणत्याही परवानगीशिवाय प्रवासी वाहतूक केली जात असल्याचे समोर आले आहे. अशा अवैध प्रवासी वाहतूक करणाऱ्या ..

Email

admin@mahamtb.com

Phone

+91 22 2416 3121