म्युचल फंड गुंतवणुकीतील गैरप्रकार थांबवण्यास सेबी कडक नियम आणणार

 

 

मुंबई: म्युचल फंडमधील गैरप्रकार थांबवण्यासाठी सेबीने (Securities Exchange Board of India) ने काही कडक नियमावली करण्याचे ठरवले आहे. यासाठी म्युचल फंड मॅनेजमेंट कंपन्यांना हाताशी धरत सेबीतर्फे काही संस्थात्मक निर्णय घेण्यात येऊ शकतात.वृत्तसंस्थांनी दिलेल्या माहितीनुसार बाजारात होणारे घोटाळे, खाजगी माहिती लीक होणे अथवा संशयास्पद व्यवहार रोखण्यासाठी सेबीने चाप लावतानाच असेट मॅनेजमेंट कंपनी (AMU) लाही या कायद्याची अंमलबजावणी करू लागू शकते.

 

काही गैरव्यवहार उघडकीस आल्यास या म्युचल फंड कंपन्यानी सेबीला यासंदर्भात माहिती देणे यात अपेक्षित असणार आहे. कुठल्याही पद्धतीचे इनसायडर ट्रेडिंग, माहितीचा गैरव्यवहार अथवा गैरवापर टाळण्यासाठी आता सेबीची करडी नजर असणार आहे. सेबीने झालेल्या बैठकीत हा निर्णय घेतला आहे.त्यामुळे आता अनेक कंपन्याबरोबरच गुंतवणूकदारांचे कडक मॉनेटरिंग होणार आहे. याशिवाय सेबीने वेंचर कॅपिटल कंपन्यांना आपल्या गुंतवणूकीत तरलता आणण्यासाठी अडचणी येत असल्यामुळे वेंचर कॅपिटल फंड (VCF) गुंतवणूकीला अल्टरनेटिव इन्व्हेस्ट फंड (AIF) मध्ये परावर्तित करण्याची परवानगी दिली आहे तसा प्रस्ताव सेबीने बैठकीत मंजूर केला आहे.