सकाळच्या सत्रात शेअर बाजारात 'संमिश्र' प्रतिसाद

 

यावेळी मुख्यतः चीनने कर्जावर कमी केलेले व्याजदर, जागतिक स्तरावरील रशिया युक्रेनचे युद्धसावट, क्रुड तेलाच्या किंमतीत झालेली घसरण याचे पडसाद बाजारात उमटत आहेत. बीएसी मिड कॅप निर्देशांकात कुठलाही बदल न जाणवता , मिडकॅप, स्मॉलकॅप निर्देशांक ०.३ टक्क्याने वाढले आहे. निफ्टी ५०, ५.८५ अंशाने घसरत २२११६.४० पातळीवर खाली घसरला आहे. शेवटचा निफ्टी निर्देशांक २२१३७ पातळीवर पोहोचला होता. बँक निफ्टी ४६,८९७.२५ पातळीवर पोहोचला असून बँक निफ्टीत सकाळी ३६१.७५ अंशाने वाढ झाली होती. बीएसीचा बँक निर्देशांक ४२२.३३ अंशा़ने वाढत ५३२१४.४३ पातळीवर पोहोचला आहे.

 

माध्यमात आलेल्या बातमीनुसार पेटीएम आपले अस्तित्व टिकवण्यासाठी सगळ्या पर्यायांचा विचार करत आहे. त्यामध्ये विलिनीकरण, विक्री अशा विविध पर्यायावर चर्चा चालू असल्याचे सांगितले गेले होते. कालच्या प्रमाणे आजही ५ टक्क्याने समभागात वाढ झाली असून पेटीएम समभाग (शेअर) चर्चेचा विषय ठरला आहे.