अयोध्या तो बस झांकी है... काशी-मथुरा बाकी है : योगी आदित्यनाथ

18-Jan-2024

Total Views | 87

मुंबई : "रामलला हम आयेंगे, मंदिर वही बनायेंगे! अशी घोषणा आम्ही दिली होती. आज त्याच जागी राम मंदिर बांधण्यात येत आहे. अयोध्येसाठी जशी कायदेशीर लढाई लढली, तशीच मथुरा-काशीसाठीही लढली जाईल." असे विधान उत्तर प्रदेशचे मुख्यमंत्री योगी आदित्यनाथ यांनी केले आहे. प्राणप्रतिष्ठा सोहळ्याच्या पार्श्वभूमीवर आज तक या हिंदी वृत्त वाहिनीला दिलेल्या मुलाखतीत त्यांनी हे विधान केले.

प्राणप्रतिष्ठा सोहळ्याआधी मुख्यमंत्री योगी आदित्यनाथ यांनी मथुरा-काशीबाबत आपली भूमिका स्पष्ट केली. ते म्हणाले की, “हे प्रकरण अजूनही न्यायालयात आहे. रामललासाठी आम्ही ५०० वर्षे संघर्ष केला. न्याय आणि सत्याचा सन्मानपूर्वक विजय मिळवूनच आम्ही रामललाचे मंदिर उभारत आहोत. त्याचप्रमाणे हे प्रकरणही कोर्टामार्फत सोडवू. आम्ही न्यायालयासमोर सर्व पुरावे सादर करू आणि आमची लढाई लढू."

जेव्हा त्यांना श्रीकृष्ण जन्मभूमी मंदिराची मंदिराची तारीख विचारण्यात आली तेव्हा योगी म्हणाले की, "सर्व काही कायदेशीर पद्धतीने केले जाईल. आपण प्रभूची तारीख कशी ठरवू शकतो? देवाची इच्छा असेल तेव्हा हे सर्व होईल."