मुंबई : भारताचा सलामीवीर शुभमन गिल विश्वचषकातील ऑस्ट्रेलियाविरुध्दच्या पहिल्या सामन्यात खेळला नव्हता. त्याच्या जागी युवा फलंदाज इशान किशन याला संघात संधी देण्यात आली होती. शुभमन गिलला आरोग्य विषयक कारणांमुळे खेळता आले नव्हते. त्यामुळे त्याचे चाहते एकप्रकारे निराशा झाले होते.

दरम्यान, शुभमन गिलला चेन्नईला पोहोचल्यापासून खूप ताप असून बीसीसीआयने तीन दिवसांपूर्वी सांगितले होते की, पहिल्या सामन्यासाठी चेन्नईला पोहोचल्यानंतर शुभमनला खूप ताप आला होता. त्याच्या चाचण्या केल्या असता त्याला डेंग्यू झाल्याचे निष्पन्न झाले.