महाविकास आघाडीत 'कुरकूर' सुरूच : काँग्रेसला हव्या समसमान जागा

मुंबई : विधान परिषद जागांसाठी महाविकास आघाडीतील तिन्ही पक्षांना समसमान जागा मिळाव्यात,अशी ठाम भूमिका काँग्रेसने घेतली आहे. यामुळे नुकतिच मुख्यमंत्री उद्धव ठाकरेंची भेट घेणाऱ्या काँग्रेस नेत्यांची कुरकूर पुन्हा दिसून येत आहे. विशेष म्हणजे मुख्यमंत्र्यांच्या भेटीसाठी गेलेल्या मंत्री अशोक चव्हाण यांनीच ही मागणी केल्याने पुन्हा शिवसेनेची डोकेदुखी वाढणार आहे.