Mazagon Dock Bharti 2023; १० वी ते पदवीधारकांना नोकरीची संधी

मुंबई : माझगाव डॉक शिप बिल्डर्स लिमिटेड, मुंबई येथे अर्ज मागविण्यात आले आहेत. नॉन एक्झिक्युटिव्ह या पदासाठी भरतीची अधिसूचना जाहीर केली आहे. तसेच, या भरतीद्वारे एकूण ५३१ जागा भरल्या जाणार आहेत. इच्छुक आणि पात्र उमेदवार शेवटच्या तारखेपूर्वी दिलेल्या लिंकवर त्यांचे अर्ज पाठवू शकतात. अर्ज करण्यासाठी शेवटची तारीख जाहीर केलेली असून २१ ऑगस्ट २०२३ असणार आहे. या भरतीप्रक्रियेसंबंधी अधिक माहिती जाणून घेण्यासाठी कंपनीच्या अधिकृत वेबसाईट www.mazagondock.in ला भेट द्या.

भरतीसाठी अर्ज करणाऱ्या उमेदवारांना परीक्षा शुल्क भरावे लागणार असून सामान्य, ओबीसी, ईडब्ल्यूएस आणि एएफसी श्रेणीतील उमेदवारांना १०० रुपये अर्ज शुल्क भरावे लागणार आहे. तर एससी आणि एसटी श्रेणीतील उमेदवारांना अर्ज फी भरण्यापासून सूट देण्यात आली आहे. याभरतीसाठी वयोमर्यादा १८ ते ३८ वर्षे निश्चित करण्यात आले असून अर्ज ऑनलाईन पध्दतीने कंपनीच्या अधिकृत वेबसाईटवर करता येणार आहे. तसेच, उत्तीर्ण उमेदवारास नोकरीचे ठिकाण मुंबई असणार आहे.