किंग चार्ल्स-III ब्रिटनचे नवे सम्राट बनले: वयाच्या ७३ व्या वर्षी जबाबदारी स्वीकारली!

 

लंडन: किंग चार्ल्स तिसरे शनिवारी, १० सप्टेंबर रोजी अधिकृतपणे ब्रिटनचे नवीन सम्राट बनले. सेंट जेम्स पॅलेस येथे प्रिव्ही कौन्सिलच्या बैठकीत ही घोषणा करण्यात आली. आता त्यांना राजा चार्ल्स-III म्हणून संबोधले जाईल. चार्ल्सला त्याच्या वडिलांचे ड्यूक ऑफ कॉर्नवॉल ही पदवी मिळाली. तर, त्यांची पत्नी कॅमिला हिला आता डचेस ऑफ कॉर्नवॉल म्हटले जाईल.

 

या पदग्रहण सोहळ्यासाठी ब्रिटनचे सर्व माजी पंतप्रधान, ज्येष्ठ खासदार, इतर अधिकारी आदी मान्यवर उपस्थित होते. साधारणत: ७०० हून अधिक लोक या कार्यक्रमाला हजेरी लावतात, परंतु यावेळी कार्यक्रम अल्पसूचनेवर आयोजित केल्यामुळे इतक्या संख्येला वाव नव्हता. या कार्यक्रमात, प्रिव्ही कौन्सिलचे लॉर्ड अध्यक्ष पेनी मॉर्डंट यांनी प्रथम एलिझाबेथ II च्या मृत्यूची घोषणा केली. यानंतर अनेक प्रार्थना झाल्या, राणीचे कर्तृत्व सांगण्यात आले. यासोबतच नव्या राजाच्या गुणांबद्दलही सांगण्यात आले.

 

 

 

 

 

जाहीरनाम्यावर पंतप्रधान, कँटरबरीचे आर्चबिशप आणि लॉर्ड चॅन्सेलरसह अनेक वरिष्ठ अधिकाऱ्यांनी स्वाक्षरी केली. या कार्यक्रमात नव्या राजाने सत्ता हाती घेतल्यानंतर काही बदल केले जाणार का, हेही ठरले. अखेरीस, शाही परंपरेनुसार, चार्ल्सला औपचारिकपणे राज्याभिषेक केला जाईल. हा राज्याभिषेक सोहळा कोणत्या तारखेला होणार हे जाहीर करण्यात आलेले नाही.

 

 

चार्ल्सला राज्याभिषेकाची वाट पहावी लागेल, कारण त्याच्या तयारीला वेळ लागेल. यापूर्वी राणी एलिझाबेथ यांनाही जवळपास १६ महिने वाट पाहावी लागली होती. फेब्रुवारी १९५२ मध्ये त्यांच्या वडिलांचा मृत्यू झाला, परंतु जून १९५३ मध्ये त्यांचा राज्याभिषेक झाला.