'ब्रह्मास्त्र'मधील किंग खानचा लूक बघितलात का?

 

 

 

 

 

 

मुंबई : बॉलिवूडचा बहुप्रतीक्षित सिनेमांमध्ये 'ब्रह्मास्त्र' हा सध्या पहिल्या क्रमांकावर आहे. या चित्रपटाची चर्चादेखील मोठ्याप्रमाणावर सुरु आहे. शिवाय रणबीर कपूर आणि आलिया भट्ट ही जोडी पहिल्यांदा या चित्रपटात एकत्र दिसणार आहेत. याचबरोबर ब्रह्मास्त्रची स्टारकास्टसुद्धा खूप मोठी आहे. अमिताभ बच्चन, नागार्जुन, मौनी रॉय असे अनेक कलाकर या सिनेमामध्ये बघायला मिळणार आहेत. एवढेच नाही ब्रम्हास्त्रमध्ये दीपिका पदुकोण आणि शाहरुख खानदेखील दिसणार आहेत अशी चर्चा सुरु होती. आणि ब्रम्हास्त्र चा ट्रेलर प्रदर्शित झाल्यापासून तर या चर्चांना आणखीच उधाण आले होते. आता या चित्रपटातील शाहरुख खानच्या भूमिकेचे काही फोटो सोशल मीडियावर सध्या तुफान व्हायरल होत आहेत.

 

 

 

ब्रह्मास्त्र चित्रपटाचा ट्रेलर लाँच झाल्यापासून शाहरुख खान या चित्रपटाचा भाग असेल की नाही, असा अंदाज बांधला जात होता. पण आता या चर्चेला पूर्णविराम मिळाला आहे कारण, शाहरुख खानचे या चित्रपटातील फोटो आणि व्हिडीओ सध्या व्हायरल होत आहेत. या चित्रपटात शाहरुख खान वानर अस्त्राची भूमिका साकारणार असे म्हटले जात आहे. खरेतर ब्रह्मास्त्र सिनेमाच्या ट्रेलरमध्ये शाहरुखची झलक दिसली होती परंतु, त्याचा लुक दिसला नव्हता, त्यामुळे सिनेमातील शाहरुखचा लूक पाहण्यासाठी चाहते आतुर होते. मात्र आता चाहत्यांची प्रतीक्षा संपली आहे. नुकताच शाहरुखचा ब्रह्मास्त्रमधील लूक समोर आला आहे.

 

 

 

 

 

 

 

 

 

 

ब्रम्हास्त्र मधील शाहरुख खानचा लुक बघून त्याचे चाहते सध्या प्रचंड खुश आहेत. मात्र, व्हायरल क्लिप खरंच ब्रह्मास्त्रची फोटो पाहून आहे की, फक्त चाहत्यांनी बनवलेले एडीट आहे याची अद्याप कल्पना नाही. पण या व्हिडीओ आणि फोटोला प्रचंड लाईक्स आणि शेअर मिळतायत.

 

 

 

 

अयान मुखर्जी दिग्दर्शित ‘ब्रह्मास्त्र’ या चित्रपटात पहिल्यांदाच रणबीर कपूर आणि आलिया भट्ट त्यांच्या चाहत्यांना स्क्रीन शेअर करताना दिसणार आहेत. नुकतेच चित्रपटातील दुसरे गाणे 'देवा देवा' प्रदर्शित झाले आहे. हा सिनेमा रोमान्स, थ्रिलर आणि सस्पेन्सने परिपूर्ण आहे. या सिनेमात प्रेक्षकांना रणबीर कपूर आणि आलिया भट्ट यांच्यातील लव्ह केमिस्ट्री तसेच ब्रह्मास्त्रावरील युद्ध पाहायला मिळणार आहे. हा चित्रपट ९ सप्टेंबर २०२२ रोजी थिएटरमध्ये प्रदर्शित होणार आहे.