कथित ईशनिंदेविरोधात धर्मांधांची झुंडशाही!

भाजपच्या राष्ट्रीय प्रवक्तेपदावर कार्यरत असलेल्या नुपूर शर्मा यांच्यावर त्यांनी कथितरित्या मोहंमद पैगंबर यांचा अपमान केल्याचा ठपका ठेवण्यात आला होता. त्यानंतर भाजपने त्यांच्यावर शिस्तभंगाची कारवाई करून त्यांना पक्षातून निलंबित केले आहे. त्यांच्यासोबतच दिल्ली प्रदेश भाजपचे प्रवक्ते नवीनकुमार जिंदाल यांच्याविरोधातही कारवाई करण्यात आली आहे.

दिल्लीतील जामा मशिदीचे शाही इमाम यांनी मशिद कमिटीतर्फे अशा कोणत्याही प्रकारच्या विरोध आंदोलनाची हाक देण्यात आली नसल्याचे स्पष्ट केले आहे. ते म्हणाले, गुरुवारी काही लोक अशा प्रकारच्या विरोध आंदोलनाची आखणी करत होते. मात्र, जामा मशिद कमिटी अशा कोणत्याही प्रकारामध्ये सहभागी होणार नसल्याचे स्पष्ट केले होते. लोकांना विरोध करायचा असल्यास ते तसे करू शकतात, असे आम्ही स्पष्ट केले होते. त्यामुळे आजचा प्रकार कदाचित एआयएमआयएम अथवा ओवेसींच्या लोकांनी घडविला असावा, असा दावा त्यांनी केला आहे.