'द काश्मीर फाईल्स'ने प्रदर्शित होण्याच्या आधीच रचला इतिहास !

28-Jan-2022

Total Views | 599

नवी दिल्ली : भारतातील हिंदूंसाठी अभिमानाची बाब म्हणजे, विवेक रंजन अग्निहोत्री यांचा आगामी चित्रपट 'द काश्मीर फाईल्स' जो जम्मू-काश्मीरमधील काश्मिरी हिंदूंच्या स्थलांतराच्या सत्य घटनांवर आधारित आहे. या चित्रपटाचे बॅनर मॅनहॅटनमध्ये प्रदर्शित करण्यात आले.

जगभरातील काश्मिरी हिंदूंसाठी काम करणार्‍या ग्लोबल काश्मिरी पंडित डायस्पोराने मॅनहॅटनमध्ये ७३ वा प्रजासत्ताक दिन साजरा करण्यासाठी जगातील सर्वात महागड्या मैदानी जाहिरात साइटवर ‘द काश्मिरी फाइल्स’ चे बॅनर प्रदर्शित करण्यासाठी समन्वय साधला होता.

LOOK AGAIN:

This is, perhaps, the first time that an ENTIRE MAP of Kashmir is shown in USA in mainstream media.

Do you even realise how big is this? #TheKashmirFiles at #TimesSquare pic.twitter.com/UKcw5fD50M
— Vivek Ranjan Agnihotri (@vivekagnihotri) January 28, 2022

दिग्दर्शक विवेक रंजन अग्निहोत्री म्हणाले की, टाइम्स स्क्वेअरवर ‘द काश्मीर फाइल्स’ ची जाहिरात केल्यामुळे ही त्यांच्या टीमसाठी अभिमानाची गोष्ट आहे. त्यांनी ट्विटरवर व्हिडिओ देखील शेअर केला आणि जागतिक काश्मिरी पंडित डायस्पोराचे त्यांच्या समर्थनाबद्दल आभार मानले.

न्यूयॉर्क मधील हे बॅनर अत्यंत मोक्याच्या ठिकाणी आहे. अमेरिकेतील सर्वात रहदारीच्या ठिकाणी असलेले हे बॅनर अत्यंत महागडे मानले जाते. या बॅनरला दररोज ३३ हजाराहून अधिक लोक बघतात. अश्या बॅनरवर एक भारतीय चित्रपट सलग दोन दिवस झळकने ही भारतीयांसाठी अभिमानाची बाब आहे.