देशात २४ तासांत, ३८ हजार १६४ नव्या कोरोनाग्रस्तांची नोंद

 

 

नवी दिल्ली : महामारीच्या सुरुवातीपासून कोविड बाधित झालेल्यांपैकी ३,०३,०८,४५६ व्यक्ती यापूर्वीच कोविडमधून पूर्णपणे बऱ्या झाल्या आहेत आणि गेल्या २४ तासांत ३८,६६० कोरोना रुग्ण रोगमुक्त झाले आहेत. यामुळे एकंदर रोगमुक्ती दर ९७.३२% झाला असून यावरून रोगमुक्ती दराचा सतत वाढता कल दिसून येतो आहे.

 

 

 

देशात गेल्या २४ तासांत, ३८,१६४ नव्या कोविड ग्रस्त रुग्णांची नोंद झाली. गेले सलग २२ दिवस, रोज नोंद होणाऱ्या नव्या कोविड बाधितांची संख्या ५०,००० पेक्षा कमी असल्याचे दिसून आले आहे. केंद्र सरकार तसेच राज्ये आणि केंद्रशासित प्रदेश सरकारे यांच्या शाश्वत आणि सह्योगात्मक प्रयत्नांचा हा परिणाम आहे. देशातील सक्रीय रुग्णसंख्या आज ४,२१,६६५ आहे आणि सध्या सक्रीय असलेल्या रुग्णांचे प्रमाण देशातील एकूण कोविड बाधितांच्या संख्येच्या १.३५% इतके आहे.

 

 

 

देशभरात कोविड संसर्ग तपासणी चाचण्यांचा वेग लक्षणीय प्रमाणात वाढविण्यात आला असून गेल्या २४ तासांच्या कालावधीत देशात एकूण १४,६३,५९३ चाचण्या करण्यात आल्या. महामारीच्या सुरुवातीपासून आतापर्यंत देशात ४४ कोटी ५४ लाखांहून जास्त (४४,५४,२२,२५६) चाचण्या करण्यात आल्या आहेत. देशभरात एका बाजूला चाचण्यांचे प्रमाण वाढविण्यात येत असतानाच, साप्ताहिक पॉझिटीव्हिटी दरात देखील सातत्याने घसरण दिसून येत आहे. साप्ताहिक पॉझिटीव्हिटी दर सध्या २.०८% आहे तर दैनंदिन पॉझिटीव्हिटी दर आज २.६१% इतका आहे. गेले सलग २८ व्या दिवशी हा दर ३% हून कमी तर गेले सलग ४२ दिवस हा दर ५% हून कमी राहिला आहे.

 

 

 

आतापर्यंत राज्ये/केंद्रशासित प्रदेशांना ४२.१५ कोटींपेक्षा अधिक (४२,१५,४३,७३०) लसींच्या मात्रा देण्यात आल्या आहेत. यापैकी, वाया गेलेल्या लसींच्या मात्रांसहएकूण ३९,५५,३१,३७८ मात्रांचा वापर करण्यात आला आहे. राज्ये/केंद्रशासित प्रदेशांसह खाजगी रुग्णालयांकडे अद्याप २.६० कोटींपेक्षा जास्त (२,६०,१२,३५२) लसींच्या मात्रा शिल्लक आहेत.