महेश मांजरेकर दिसणार वस्तादाच्या भूमिकेत!

@@NEWS_SUBHEADLINE_BLOCK@@

    15-Feb-2020
Total Views |
kesari_1  H x W




‘केसरी’ चित्रपटाचा ट्रेलर प्रदर्शित 

मुंबई : ‘केसरी- Saffron’ या मराठी चित्रपटाची सध्या जोरदार चर्चा सुरु आहे. कुस्ती या मातीतील खेळाभोवती फिरणाऱ्या केसरी चित्रपटाचा ट्रेलर नुकताच प्रदर्शित करण्यात आला. या चित्रपटातून मुळचा कोल्हापूरचा असलेला विराट मडके हा नवीन चेहरा मराठी चित्रपट सृष्टीत पदार्पण करत आहे.


या चित्रपटात महेश मांजरेकर कुस्ती वास्तदाच्या दमदार भूमिकेत दिसणार आहेत. चित्रपटात जेष्ठ अभिनेते विक्रम गोखले, मोहन जोशी यांच्यासह प्रवीण तरडे, उमेश जगताप, छाया कदम, जयवंत वाडकर, नंदेश उमप, नचिकेत पूर्णपात्रे, सत्यपा मोरे, ज्ञानरत्न अहिवळे, रूपा बोरगावकर, पद्मनाभ बिंड यांच्या महत्त्वपूर्ण भूमिका आहेत.





केसरी ही एका सामान्य मुलाची संघर्षकथा आहे. चित्रपटाच्या नायकाची महाराष्ट्र केसरी स्पर्धेसाठी निवड झालेली आहे. मात्र त्याच्या वडिलांचा कुस्ती खेळण्यास विरोध आहे. गावातले लोकही त्याच्या कुस्तीच्या विरोधात आहेत. नायक मात्र विजयी झाल्याशिवाय घरात पऊल न टाकण्याची शपथ घेतो. असे या ट्रेलरमधून दिसते आहे. चित्रपटाचे लेखन नियाज मुजावर यांनी केले असून, संकलन व दिग्दर्शन सुजय डहाकेचे आहे. २८ फेब्रुवारीला या चित्रपट प्रेक्षकांच्या भेटीला येणार आहे.
@@AUTHORINFO_V1@@