बॅप्स स्वामीनारायण मंदिरांवरील हल्ल्याचा 'एचएसएस'कडून तीव्र निषेध

मुंबई (विशेष प्रतिनिधी) : (HSS on Temple Attack) बांगलादेशनंतर आता अमेरिकेतही हिंदू मंदिरांना टार्गेट करण्याचा प्रयत्न होतो आहे. अमेरिकेतील बॅप्स स्वामीनारायण मंदिरांवर दहा दिवसांत दोनदा हल्ला झाल्याचे आपण पाहिले. या हल्ल्यांचा आणि विटंबनाचा हिंदू स्वयंसेवक संघ यूएसएने तीव्र निषेध केला आहे. या कठीण काळात आम्ही बॅप्स समुदायासोबत एकजुटीने उभे आहोत, असा विश्वास एचएसएसकडून व्यक्त करण्यात आला आहे.

हे वाचलंत का? : BAPS स्वामीनारायण मंदिरावर अज्ञातांचा हल्ला; अमेरिकेत Hindu असुरक्षित?

एचएसएसने जारी केलेल्या एक पत्रकात म्हटले आहे की, दोन आठवड्यांपेक्षा कमी कालावधीत अमेरिकेरील मेलविले, न्यूयॉर्क, सॅक्रामेंटो, कॅलिफोर्निया येथील बॅप्स मंदिरांवर द्वेषाने प्रेरित व्यक्तींनी हल्ले केले. या मंदिरांचे पावित्र्य आणि सौंदर्य हे हिंसक, राजकीय हेतूने प्रेरित संदेशांद्वारे भंग केले गेले, या घृणास्पद कृत्यांमुळे संपूर्ण समाज व्यथित झाला आहे. हिंदूंविरुद्ध वाढणारे द्वेषाचे गुन्हे आणि त्यांच्या जीवनपद्धतीवर होत असलेले हल्ले या शांतताप्रिय समुदायातील वाढती असहिष्णुता आणि धार्मिक स्वातंत्र्याचा ऱ्हास दर्शवितात. अशा कृत्यांतून एक त्रासदायक ट्रेंड उदयास येत आहे, जिथे अमेरिकन हिंदू समुदाय आणि संघटनांना सोशल मीडियाच्या गुंडगिरीद्वारे लक्ष्य केले जाते.

अशा कृतींमुळे व्यक्तींना पुढील द्वेषपूर्ण गुन्हे करण्यास प्रोत्साहन मिळते, ज्यामुळे हिंदू समुदायाची सुरक्षा आणि एकता धोक्यात येते. एचएसएस सर्व व्यक्ती आणि संस्थांना समुदाय आणि व्यापक अमेरिकन समाजामध्ये नकारात्मकता आणि विभाजनास प्रोत्साहन देणारी दिशाभूल रद्द मोहीम नाकारण्याचे आवाहन करते. अमेरिकन-हिंदू समुदायाने धार्मिक स्वातंत्र्य कमी करण्याच्या हेतुपुरस्सर प्रयत्नांना ओळखले पाहिजे. एचएसएस निर्वाचित अधिकारी, मीडिया, शिक्षक, विचारवंत आणि इन्फ्लूएन्सरना या घटनांची दखल घेण्याचे आवाहन करते.