नोटाबंदीतला धरसोडपणा परवडण्यासारखा नाही : राज ठाकरे

त्र्यंबकेश्वर मंदिर प्रकरणावरही यावेळी त्यांनी माध्यमांना प्रतिक्रिया दिली. ते म्हणाले, त्र्यंबकेश्वर मंदिराच्या आवारात वर्षानुवर्षे जी परंपरा सुरु आहे ती थांबविण्यात काही अर्थ नाही. महाराष्ट्रात अशी अनेक मंदिरं-मशिदी आहेत कि जिथे वर्षानुवर्षे हिंदू-मुसलमान एकोपा आढळून येतो. तसेच त्यांनी यावेळी बोलताना माहीमच्या दर्ग्याचा दाखला दिला. ठाकरे म्हणाले, माहीमच्या मगदूम बाबाच्या दर्ग्यावर उरूसावेळी तिथे जी चादर चढवली जाते ती माहीम पोलीस स्टेशनचा कॉन्स्टेबल चढवतो. त्याचबरोबर इतर धर्माचा कुणी माणूस आपल्या धर्मात किंवा धर्मकार्यात आला तर लगेच धर्मभ्रष्ट व्हायला हिंदू हा इतका कमकुवत धर्म आहे का? असा खरमरीत प्रश्न विचारत मीही अनेक दर्ग्यामध्ये, मशिदीमध्ये गेलोय असे वक्तव्य राज ठाकरेंनी नाशिक दौऱ्यात केले.

राज ठाकरे म्हणाले, ज्या गोष्टी चुकीच्या त्या चुकीच्याच. म्हणून मी त्रास देणाऱ्या मशिदींवरच्या भोंग्यांवर बोललो. माहीम समुद्रातील मजारीवर बोललो... गडकिल्ल्यांवर पण काही ठिकाणी अनधिकृत दर्गे उभे राहतात तेही हटवलेच पाहिजेत. ज्या चुकीच्या गोष्टी आहेत त्यावर तुम्ही प्रहार केलाच पाहिजेत. पण जाणून बुजून दंगली घडवायला काहीतरी खोदून काढायचं हे योग्य नसल्याचे मनसे अध्यक्ष राज ठाकरे यावेळी म्हणाले.