मला बिकाऊ नको, लढाऊ माणसं हवी आहेत : उद्धव ठाकरे

उद्धव ठाकरे म्हणाले, "लोकशाहीच्या स्तंभाची विल्हेवाट लावली आहे. पत्रकारांच्या हातांमध्ये कलम असायला हवी, आजकाल बऱ्याच पत्रकारांच्या हातात कमल आहे. या सगळ्यात आशादायी किरण म्हणजे सर्वोच्च न्यायालय आहे. न्यायादेवताच्या डोळ्यासमोर पट्टी असली तरीही ती धृतराष्ट्रासमोर जे घडलं तशी पट्टी नाही. त्यामुळे न्यायदेवता लोकशाहीचे वस्त्रहरण करू देणार नाही." उद्धव ठाकरे महाराष्ट्रभर महाविकास आघाडी म्हणून सभा घेणार आहेत.

 

"देशात लोकशाही संपविण्याच्या दृष्टीने वाटचाल सुरू आहे. लोकशाही टीकवण्यासाठी सर्वसामान्य माणसांनीही यात उतरण्याची गरज आहे. आज अनेकजण मला विचारतात, काहो तुम्हाला आधी कळलं नव्हतं का? मी म्हणतो हो कळलं होतं. पण मी लढू कसा, जी विकली गेलेली माणसं आहेत, त्यांच्याशी मी लढू कसा, मला लढाऊ माणसं आहेत. मी सगळ्यांना ठणकावून सांगितलं होतं. ज्यांना रहायंचं त्यांनी रहा बाकिच्यांना दरवाजे खुले आहेत. तुम्ही बोलाल आणि मी वागेन, असा लाचार माणूस मी नाही.", असेही ते म्हणाले. भाजप-शिवसेना युतीच्या काळातील एक किस्सा उद्धव ठाकरेंनी सांगितला. आम्ही भाजप सोबत होतो तर भाजप अन्याय करतोयं काँग्रेस सोबत आलो तर काँग्रेस अन्याय करतोयं हे का, असा प्रश्न त्यांनी शिंदेंना विचारला आहे.