अभिजित-अद्वैतसह रंगणार ‘अळीमिळी गुपचिळी’

मुंबई : आपण अनेक चॅट शो पाहिले आहेत ज्यात कलाकार मंचावर येऊन दिलखुलास गप्पा मारतात. अशा कार्यक्रमांमधून कलाकारांचे विविध पैलू प्रेक्षकांच्या समोर येतात. झी मराठीने नुकताच प्रेक्षकांसाठी सादर केलेला अळीमिळी गुपचिळी हा चॅट शो ज्यात कलाकार त्यांच्या मुलांसोबत सज्ज होतात या कार्यक्रमाला प्रेक्षकांची पसंती मिळतेय. अभिनेता अतुल परचुरे या कार्यक्रमाच्या सूत्रसंचालनाची धुरा सांभाळत आहेत. अभिनेत्री स्नेहलता वसईकर आणि चला हवा येऊ द्या होऊ दे व्हायरल या पर्वाचा उपविजेता अर्णव काळकुंद्री देखील अतुलला उत्तम साथ देत आहेत.

या आठवड्यात अळीमिळी गुपचिळीच्या मंचावर माझ्या नवऱ्याची बायको या लोकप्रिय कार्यक्रमाचा लेखक आणि त्यात केडीची भूमिका निभावणार अभिजीत गुरु हा त्याची पत्नी समिधा गुरु आणि त्याच्या मुली सोबत सज्ज होणार आहे. त्याचसोबत या कार्यक्रमातील सौमित्र म्हणजेच अभिनेता अद्वैत दादरकर, त्याची पत्नी भक्ती आणि मुलगी मीरा सोबत या मंचावर हजेरी लावणार आहेत. अभिजित गुरु याची मुलगी सुप्रसिद्ध चित्रपट ‘अशी ही बनवा बनवी’ मधील एक प्रसंग सादर करणार आहे, तर मीराचा निरागसपणा प्रेक्षकांना नक्कीच तिच्या प्रेमात पडणार आहे. मीरा गल्लीबॉय चित्रपटातील एक रॅप सॉंग गाणार आहे. या दोन्ही मुली या मंचावर काय काय धमाल करणार हे आज रात्री ९.३० वाजता प्रेक्षकांना पहला मिळणार आहे.