‘तेजस एमके-२’ पहिल्या उड्डाणासाठी सज्ज भारतीय हवाई दलाची ताकद वाढलीपुढील वर्षी ताफ्यात दाखल होणार

 

नवी दिल्ली : स्वदेशी आधुनिक लढाऊ विमान ‘एलसीए तेजस मार्क-२’ (Tejas MK-2) हे २०२५ मध्ये पहिले उड्डाण करण्याची शक्यता आहे. ‘एरोनॉटिकल डेव्हलपमेंट एजन्सी’ने (एडीए) राजस्थानमधील जोधपूरमध्ये एका कार्यक्रमादरम्यान ही माहिती दिली. या कार्यक्रमात भारतीय हवाई दलाच्या स्वदेशी पाचव्या पिढीतील ‘एएमसीए तेजस मार्क-२’ या विमानांचे मॉडेल प्रदर्शित करण्यात आले. भारतीय हवाई दलाने २०३५ सालापर्यंत हे स्वदेशी आणि आधुनिक लढाऊ विमान आपल्या ताफ्यात समाविष्ट करण्याचे लक्ष्य ठेवले आहे. तसेच, २०४० सालापर्यंत स्वदेशी पाचव्या पिढीचे विमान ‘एएमसीए’ आपल्या ताफ्यात समाविष्ट करण्याचे लक्ष्य आहे.

 

 

हे विमान ‘स्टेल्थ’ तंत्रज्ञानावर आधारित असणार आहे. यामध्ये विविध प्रकारचे तंत्र आणि धातू वापरण्यात आले आहेत. तसेच, ५.५ पिढीचे लढाऊ विमान असेल. २०४० सालापर्यंत भारतीय हवाई दलात त्याचा समावेश करण्याचे आमचे ध्येय आहे. दोन इंजिन असलेले हे बहुउद्देशीय विमान असणार आहे.

 

 

‘एलसीए मार्क-२’ या लढाऊ विमानाचे वैशिष्ट्य म्हणजे त्याचा अविश्वसनीय वेग आहे. हे विमान हवेत २ हजार, ३८५ किमी प्रतितास वेगाने धावू शकते, ज्यामुळे ते जगातील सर्वात वेगवान लढाऊ विमानांपैकी एक बनले आहे. त्याचे एकूण उड्डाण अंतर २ हजार, ५०० किमी आहे, तर युद्धाभ्यास करताना ते १ हजार, ५०० किमीपर्यंतचे अंतर पार करू शकते. याशिवाय, हे विमान ५६ हजार, ७५८ फूट उंचीपर्यंत उड्डाण करू शकणार आहे.