मदनदासजी म्हणजे ‘निश्चयाचा महामेरू’

पुढे ते म्हणाले की, “प्रत्येकाच्या मनुष्यत्वाची काळजी त्यांनी घेतली. त्यांचा स्नेहस्पर्श झाला ही मी धान्यता मानतो. मदनदासजी संघटनेचे आणि विचारांचे पक्के होते. कार्यकर्त्यांनी केलेल्या चुका ते स्नेहपूर्वक दुरूस्त करायचे. कोणत्याही गोष्टीचे मूल्यांकन करताना व्यक्तित्वाचे अवमूल्यन होणार नाही याची ते दक्षता घेत. त्यांचे अनेक ऋण आपल्यावर आहेत. यशवंतराव केळकर यांचा आदर्श घेऊन त्यांनी काम वाढविले. मनुष्याला मोह बिघडवतो. या सर्वांच्या पलीकडे जाऊन ध्येयाप्रती समर्पित कार्यकर्ते त्यांनी तयार केले. त्यांच्याकडून खूप काही शिकण्यासारखे होते. त्यांची जागा कोणीही घेऊ शकत नाही. हे काम न थांबवता आणखी वाढत जाईल, असे समर्पित लोक त्यांनी तयार केले. आजारपणामुळे ते मागील काही वर्ष सक्रिय कामात नसले तरीदेखील त्यांच्यामध्ये एकटेपणा आलेला नव्हता. ते अतिशय स्थितप्रज्ञ होते. अंतिम क्षणीदेखील ते हसतमुख होते. ध्येयाप्रती असलेल्या क्रियाशील समर्पणातून आलेली ही प्रसन्नता होती. आपण चांगले व्हावे इतरांना चांगले करावे हा मंत्र त्यांनी शिकवला,” असे डॉ. भागवत म्हणाले.

नड्डा यावेळी म्हणाले, “अत्यंत प्रतिकूल परिस्थितीमध्ये त्यांनी संघटनेचे काम केले. अनेकदा तिकिटालादेखील पैसे नसायचे. सर्वत्र साधनसुविधेचा अभाव होता. परंतु, त्या वातावरणातही त्यांनी निष्ठेने विचार पुढे नेला. अखिल भारतीय विद्यार्थी परिषदेला वैचारिक अधिष्ठान प्राप्त करून दिले. लाखो कार्यकर्त्यांना त्या अधिष्ठानामध्ये समाविष्ट करून घेतले. संघटन शास्त्राच्या खोलीला जाणण्याचे कसब त्यांच्याकडे होते. प्रवास, वार्तालाप आणि बैठकीची कला, त्यातील बारकावे, तत्वे याच्या खोलीमध्ये ते जायचे. ते अत्यंत कुशल संघटक होते.” असे सांगुन नड्डा पुढे म्हणाले, “विपरित परिस्थितीमध्ये कार्यकर्त्यांना संस्कारित करणारे जीवन ते जगले. आजारपणातही त्यांचा अनेकांशी संपर्क टिकून होता. अनेकांची आस्थेवाईकपणे चौकशी करायचे. त्यांनी घालून दिलेल्या मार्गावर चालत राहणे आणि संघटन वाढविणे हीच त्यांना खरी श्रद्धांजली असेल,” असे नड्डा म्हणाले.

“मदनदासजी देवी यांनी अभाविपचे राष्ट्रीय संघटनमंत्री म्हणून २२ वर्षांत संघटनेला विशाल वटवृक्षात रुपांतरित केले. संघटनेप्रति वैचारिक प्रतिबद्धता व तत्वज्ञान निर्माण करण्यात त्यांनी महत्त्वपूर्ण भूमिका बजावली. कार्यकर्त्यांना वैचारिक अधिष्ठान देण्यासोबतच जो जो मनुष्य त्यांना भेटला त्याच्या प्रति आत्मियतेचा भाव त्यांनी निर्माण केला. केवळ तात्विक समस्यांचे चिंतन त्यांनी केले नाही, तर दीर्घकालीन समस्यांवर चिंतन करून त्यांनी पाऊले उचलली. तीक्ष्ण बुद्धिमत्ता, प्रेमळ भाव, आत्मियता यामुळे हजारो कार्यकर्ते प्रेरित होऊन देशभरात काम करू लागली. सामाजिक कार्याची ज्योती प्रकट करण्याचे काम त्यांनी केले. त्यांच्या प्रेरणेवर पुढील काळात संघटनेतील कार्यकर्ते काम करत राहतील हीच त्यांना खरी भावपूर्ण श्रद्धांजली,” या शब्दात अखिल भारतीय विद्यार्थी परिषदेचे माजी अध्यक्ष, मिलिंद मराठे यांनी श्रद्धांजली वाहिली.

माजी खासदार प्रकाश जावडेकर, विनय सहस्रबुद्धे, अशोक मोडक, संघटनमंत्री संजय जोशी, रा. स्व. संघाचे कार्यकारिणी सदस्य अनिरुद्ध देशपांडे, मधुभाई कुलकर्णी, भारतीय मजदूर संघ केंद्रीय संघटनमंत्री सुरेंद्रन, केशव उपाध्ये, डिक्कीचे मिलिंद कांबळे, डीईएसचे अध्यक्ष डॉ. शरद कुंटे, हर्षवर्धन पाटील, श्याम जाजू, मुरलीधरन, राजेश पांडे, मुरलीधर मोहोळ, धीरज घाटे, हेमंत रासने, गणेश बीडकर, पुणे विद्यापीठाचे कुलगुरु गोसावी, उदयन पाठक, गीताताई गुंडे, प्रसेनजित फडणवीस, बाळासाहेब फडणवीस, निलेश खेडकर, सचिन मेंगळे, अनिल फौजदार, हेमंत साठे, अरविंद रानडे, अर्जुन चव्हाण, बाळासाहेब भुजबळ, सजी नारायण, श्रीपाद कुटासकर, प्रकाश गोरे, श्रीकांत कुलकर्णी, श्रीनिवास कंदुल, राजाभाऊ कदम, जिल्हाधिकारी डॉ. राजेश देशमुख, पालिका आयुक्त विक्रम कुमार, पोलीस आयुक्त रितेश कुमार, सह आयुक्त संदीप कर्णिक आदी मान्यवर उपस्थित होते.