पाकिस्तानातील मंदिर तोडफोड प्रकरणात चार जणांना अटक

नवी दिल्ली : पाकिस्तान मंदिरांची तोडफोड केल्याप्रकरणी चार आरोपींना अटक करण्यात आली आहे. शनिवारी रात्री काही अज्ञात लोकांनी मंदिरवर हल्ला करत तोडफोड केली होती. तसेच मंदिराची तोडफोड करुन तसेच मंदिरातील मुर्त्यांचे नुकसान करून आरोपी पळून गेले.

पाकिस्तानी वृत्तपत्र डॉनने पोलिस अधिकाऱ्यांच्या हवाल्याने सांगितले की, १२ ते १५ वर्षांच्या चारही मुलांनी आपला गुन्हा कबूल केला आहे. मंदिरातून पैसे चोरण्यासाठी त्यांनी ही घटना घडवून आणली. छाचरो येथे राहणाऱ्या चारही आरोपींना थारपारकर पोलिसांनी अटक केली. या अहवालात असे म्हटले आहे की, रविवारी रात्री काही अज्ञात लोकांनी सिंध प्रांतातील थारच्या छचरो शहरातील माता देवळ भिटाणी मंदिरावर हल्ला केला. मंदिराचे नुकसान करण्याशिवाय संशयितांनी मूर्तींचे नुकसान केले. थारचे वरिष्ठ पोलिस अधीक्षक अब्दुल्ला अहमद यांच्या सूचनेवरून सोमवारी संशयितांविरोधात एफआयआर दाखल करण्यात आला आहे.

दरम्यान, सिंधचे अल्पसंख्यांक कार्यमंत्री हरी राम किशोरी लाल यांनी पोलिसांना आरोपीविरूद्ध ईशनिंदनाचा गुन्हा दाखल करण्यास सांगितले आहे. अल्पसंख्यांक विभागाच्या म्हणण्यानुसार, घटनेचा तपास करून या दरोडेखोरांना अटक करण्याचे निर्देश मंत्र्यांनी पोलिसांना दिले.

मुख्यमंत्र्यांचे विशेष सहाय्यक (मानवाधिकार प्रकरण) आणि वकील वीरजी कोल्ही म्हणाले की, देशातील काही त्रासदायक घटक राज्यातील शांतता व सुसंवाद बिघडू इच्छित आहेत.

हिंदू हा पाकिस्तानमधील सर्वात मोठा अल्पसंख्याक समुदाय आहे. येथे ७५ लाख हिंदू कुटुंब राहतात, असा सरकारचा दावा आहे, तर समुदयातील लोक त्यांची लोकसंख्या ९०लाखांपेक्षा जास्त असल्याचे सांगतात. सिंध प्रांतात बहुतेक हिंदू लोक राहतात.