‘संभाजी’ भागातील रा.स्व.संघाचे शस्त्रपूजन संपन्न

पुणे : राष्ट्रीय स्वयंसेवक संघ आणि भारतीय जनता पक्ष यांचा अतिशय प्रामाणिक सेवक म्हणून भारतीय जनता पक्षाचे प्रदेशाध्यक्ष चंद्रकांतदादा पाटील यांचा लौकिक आहे. त्यांना कोथरूड विधानसभा मतदारसंघातील महायुतीची उमेदवारी त्यांना देण्यात आली आहे. चंद्रकांत दादा पाटील हे संघाचा निष्ठावंत सेवक असल्याची प्रचिती रविवारी पुन्हा एकदा आली. पुण्यात कोथरूडमध्ये राष्ट्रीय स्वयंसेवक संघ ‘संभाजी’ भागाचा विजयादशमी व शस्त्रपूजन उत्सव एमआयटी संस्थेच्या मैदानावर संपन्न झाला.

या कार्यक्रमात भारतीय जनता पक्षाचे प्रदेशाध्यक्ष चंद्रकांतदादा पाटील इतर शिस्तबद्ध स्वयंसेवकाप्रमाणे सहभागी झाले. राष्ट्रीय स्वयंसेवक संघ आणि अखिल भारतीय विद्यार्थी परिषदेच्या माध्यमातून १९८२ पासून पुण्यात चंद्रकांतदादा पाटील यांनी कार्य केले आहे. या तीन दशकांहून अधिक काळ चंद्रकांत पाटील यांच्या पुण्यातील कारकिर्दीच्या आठवणींना या वेळी उजाळा देण्यात आला.