मोदी सरकार पाडणे हे काँग्रेसचे षड्यंत्र : नरेंद्र मोदी

 

 

 

 

 

लोकतंत्रावर देशातील सगळ्यात पक्षांचा विश्वास असणे गरजेचे आहे. मात्र विरोधी पक्षांना आपला अहंकार आवरता येत नाही म्हणून हे आमचे सरकार पाडण्याचा घाट रचत आहेत. आपल्या देशातील राजकारणाला नकारात्मक राजकारणाने पूर्णपणे घेरले असून विकास करण्याची वृत्ती आता विरोधी पक्षांची संपली आहे असे टोमणे यावेळी नरेंद्र मोदी यांनी विरोधकांना लगावले. काँग्रेसला स्वत:वर विश्वास नाही म्हणून यांचे विचार मतीमंद झाले आहेत. आंतरराष्ट्रीय मंचावर भारताबद्दल गुण गायले जातात तरी यांना आपल्यावर विश्वास नाही असे नरेंद्र मोदी यावेळी म्हणाले. 

 

 

 

 

 

आम्ही जनतेला स्वावलंबी बनवण्यासाठी किती नव्या योजना आणल्या मात्र तरी देखील यांचा आमच्यावर विश्वास नाही. यांची मानसिकता पुढे जाण्याची नाही तर देशाला मागे ढकलण्याची मानसिकता आहे. वस्तू व सेवा कर, मेक इन इंडिया यावर देखील यांचा विश्वास नाही. कोणतेही कार्य करायचे असेल तर त्याला काही कालावधी लागतो मात्र यांना आमच्यावर विश्वास नाही आणि पिढीजात राजकारण पुढे चालवायचे असल्याने हे राजकारणाची खेळी करतात असे स्पष्ट मत नरेंद्र मोदी यांनी यावेळी मांडले.