जम्मू काश्मीरमध्ये प्रीपेड मोबाइल सेवा सुरु

    18-Jan-2020
Total Views |

kashmir_1  H x



१० जिल्ह्यांमध्ये पोस्टपेड ग्राहकांसाठी २G इंटरनेटसेवा सुरु

श्रीनगरः जम्मू-काश्मीरमधून कलम ३७० रद्द करण्यात आल्यानंतर बंद करण्यात आलेली जम्मू-काश्मीरमधील मोबाइल,इंटरनेट सेवा आता हळूहळू पूर्वपदावर येत आहे. प्रशासनाने आता प्रीपेड सिम कार्डवरील व्हाईस आणि एसएमएस सेवा सुरू केली आहे. तसेच पोस्टपेड कार्ड धारकांची इंटरनेट सेवा सुरू केली आहे.


कलम ३७० रद्द झाल्यानंतर त्याचा फायदा सांगण्यासाठी तसेच केंद्र सरकार राबवत असलेल्या योजनांची माहिती देण्यासाठी केंद्र सरकारमधील ३६ मंत्री जम्मू-काश्मीरच्या दौऱ्यावर जाणार आहेत. जम्मू-काश्मीरचे प्रिंसिपल सेक्रेटरी कन्सल यांनी याची माहिती दिली. जम्मू-काश्मीरमधील सर्व स्थानिक प्रीपेड सिम कार्ड्सवरील व्हाईस कॉल आणि एसएमएस सेवा पुन्हा एकदा सुरू करण्यात आली आहे. तसेच जम्मूमधील १० जिल्ह्यातील पोस्टपेड इंटरनेट सेवा सुरू करण्यात आली आहे. दरम्यान, बडगाम, गंडरबल, बारानमुला, श्रीनगर, कुलगाम, अनंतनाग, शोपियान आणि पुलवामामध्ये इंटरनेट सेवा तुर्तास बंद राहणार आहे.



शनिवारपासून गुरुवार पर्यंत ३६ केंद्रीय मंत्री जम्मू-काश्मीरचा दौरा करणार आहेत. केंद्रीय गृह राज्य मंत्री जी किशन रेड्डी यांनी याविषयीची माहिती दिली होती. जम्मू-काश्मीरला विशेष राज्याचे दर्जा देणारे कलम ३७० रद्द करण्यात आल्यानंतर लोकांमध्ये जनजागृती पसरवण्यासाठी तसेच केंद्र सरकारच्या योजनांची माहिती सर्वसामान्य लोकांपर्यंत पसरवण्यासाठी ३६ केंद्रीय मंत्र्यांचा हा दौरा असणार आहे. मी काश्मीरमधील शाळा, कॉलेज आणि हॉस्पिटलमध्ये जाऊन लोकांना भेटणार आहे. आम्ही गेल्या पाच महिन्यात जे विकास कार्य करण्यात आले त्याविषयीची माहिती लोकांना सांगणार आहोत, असे रेड्डी यांनी सांगितले.

अग्रलेख
जरुर वाचा
पहलगाम हल्ल्यावर पी. चिदंबरम यांचं वादग्रस्त वक्तव्य; म्हणाले, दहशतवादी पाकिस्तानचे की भारतातच...

पहलगाम हल्ल्यावर पी. चिदंबरम यांचं वादग्रस्त वक्तव्य; म्हणाले, "दहशतवादी पाकिस्तानचे की भारतातच..."

(P Chidambaram's Remark on Pahalgam Terror Attack) पहलगाम येथील भ्याड दहशतवादी हल्ल्यानंतर त्याला प्रत्युत्तर म्हणून मे महिन्यात ऑपरेशन सिंदूर राबवण्यात आले. यामध्ये भारताने हवाई हल्ले करत पाकिस्तानातील दहशतवाद्यांचे नऊ तळ उद्ध्वस्त केले. यासंदर्भातच विरोधी पक्षांनी संसदेत ऑपरेशन सिंदूरवर चर्चेची मागणी केली होती, जी सत्ताधाऱ्यांनी मान्य केली. मात्र संसदेत चर्चेपूर्वी, ज्येष्ठ काँग्रेस नेते पी. चिदंबरम यांनी एका मुलाखतीत केलेले वक्तव्य समोर आले आहे. ज्यावरुन मोठा राजकीय वाद निर्माण झाला आहे...

Email

admin@mahamtb.com

Phone

+91 22 2416 3121